ວັນທີ 8 ພະຈິກ 2014 ທີ່່ຜ່ານມາ ເຟສບຸກ ສຸລິນ 108 ດັອດຄອມ ຂອງຊາວສຸລິນ ໄດ້ແຊຮູບພາບນັກຮຽນ-ນັກສຶກສາວິທະຍາໄລອາຊີວະສຶກສາ ຈັງຫວັດສຸລິນ ນຸ່ງສີ້ນໄໝໄປຮຽນ ເຊິ່ງພາຍຫຼັງທີ່ຮູບພາບດັ່ງກ່າວຖືກເຜີຍແຜ່ ຜູ້ຄົນທີ່່ໄດ້ເຫັນຂ່າວຕ່າງກໍຊື່ນຊົມ ແລະສົ່ງຕໍ່ຮູບພາບດັ່ງກ່າວຢ່າງກວ້າງຂວາງ.
ການແຕ່ງໂຕຂອງນັກສຶກສາດັ່ງກ່າວ ຖ້າເບິ່ງຄ່າແອວຂຶ້ນເທິງຈະຫຼົງວ່າເປັນນັກສຶກສາລາວ ເຊິ່ງປະກອບດ້ວຍການນຸ່ງເສື້ອຂາວ, ເອົາເສື້ອເຂົ້າໃນ, ມັດກາລະວັດ ແລະປ່ອຍຜົມ. ທີ່ຕ່າງແດ່ນັ້ນແມ່ນສີ້ນໄໝມັດໝີ່ບໍ່ມີຕີນ (ນັກສຶກສາລາວຈະນຸ່ງສີ້ນດຳມີຕີນ), ນຸ່ງລ່າມກວ່ານັກສຶກສາລາວ, ການນຸ່ງຍັງບໍ່ຄ່ອຍຮຽບຮ້ອຍດີ ແລະທ່າທາງຍັງເຂີນກັບການນຸ່ງສີ້ນໄໝ.
ມີຜູ້ຮູ້ໃຫ້ຂໍ້ມູນວ່າ ການແຕ່ງກາຍດັ່ງກ່າວນັ້ນ ແມ່ນເປັນນະໂຍບາຍຂອງຜູ້ບໍລິຫານ ການສຶກສາອາຊີວະຈັງຫວັດສຸລິນ ເພື່ອເປັນການອະນຸລັກແລະສົ່ງເສີມ ວັດທະນະທຳແລະສີໄມ້ລາຍມື ອັນເປັນມໍລະດົກຂອງທ້ອງຖິ່ນ. ການແຕ່ງໂຕແບບດັ່ງກ່າວນັ້ນແມ່ນ ໃຫ້ແຕ່ງສະເພາະແຕ່ວັນສຸກ ເພາະວັນສຸກຢູ່ວິທະຍາໄລ ມີການໃສ່ບາດແລະຟັງເທດເປັນປະຈຳ ສ່ວນວັນທີອື່ນໆນັ້ນຍັງຄົງນຸ່ງຖື ເຄື່ອງແບບຂອງສະຖາບັນໄວ້ຄືເກົ່າ.
