Homeຂ່າວການພັດທະນາລັດສຸມໃສ່ພັດທະນາຊົນນະບົດ ຫຼາຍກວ່າ 1.600 ຕື້ກີບ

ລັດສຸມໃສ່ພັດທະນາຊົນນະບົດ ຫຼາຍກວ່າ 1.600 ຕື້ກີບ

Published on

20141105093229

 

ລັດຖະບານ​ລາວ ​ໄດ້​ເອົາໃຈໃສ່ຢ່າງ​ຕັ້ງໜ້າ ​ເຂົ້າ​ໃນ​ການຈັດຕັ້ງປະຕິບັດ ​ວຽກ​ງານ​ພັດທະນາ​ຊົນນະ​ບົດ ແລະ ລຶບ

ລ້າງ​ຄວາມທຸກຍາກ​ຂອງ​ປະຊາຊົນ ​ໃນ​ຂອບ​ເຂດທົ່ວ​ປະເທດ ເຊິ່ງ​ໃນ​ສົກ​ປີ 2013-2014 ການຈັດຕັ້ງ​ປະຕິບັດ​ວຽກ

ງານ​ດັ່ງກ່າວ ລັດ​ໄດ້​ລົງທຶນ​ເຂົ້າໃນ​ວຽກ​ງານ​ກໍ່ສ້າງ​ຮາກ​ຖານການເມືອງ ພັດທະນາ​ຊົນນະບົດ ແລະ ລຶບລ້າງ​ຄວາມ

ທຸກ​ຍາກ ຕິດ​ພັນ​ກັບ​ວຽກ​ງານ 3 ສ້າງ ລວມ​ທັງ​ວຽກ​ງານ​ເກັບ​ກູ້​ລະເບີດບໍ່​ທັນ​ແຕກ​ຕົກ​ຄ້າງ ຈຳນວນ 1.639,42

ຕື້​ກີບ ໃນ​ນັ້ນ ທຶນພາຍ​ໃນ 1.189,92 ຕື້​ກີບ ຂະນະທີ່​ປັດຈຸບັນ​ທົ່ວ​ປະເທດ​ ຍັງ​ມີ​ຄອບຄົວ​ທຸກ​ຍາກ​ທັງ​ໝົດ

1.138.287 ຄອບຄົວ.

 

ຄະນະ​ພັດທະນາ​ຊົນນະບົດ ແລະ ລຶບລ້າງ​ຄວາມທຸກ​ຍາກ​ຂັ້ນສູນ​ກາງ ຈັດ​ກອງ​ປະຊຸມ​ສະຫຼຸບການຈັດຕັ້ງ​ປະຕິບັດ​

ວຽກ​ງານ ປະຈຳປີ 2013-2014 ຂຶ້ນ​ລະຫວ່າງວັນ​ທີ 5-7 ພະຈິກ 2014 ທີ່​ສູນການ​ຮ່ວມ​ມື​ສາກົນ ລາວ-ຍີ່ປຸ່ນ (ຫຼັກ 5)

ນະຄອນຫຼວງ​ວຽງ​ຈັນ ໂດຍ​ເປັນ​ປະທານ​ຂອງ​ທ່ານ ບຸນ​ເຮືອງ ດວງ​ພະຈັນ ລັດ​ຖະ​ມົນຕີປະຈຳ​ຫ້ອງ​ວ່າການ​ລັດ​ຖະ

ບານ ຫົວໜ້າ​ຄະນະ​ພັດທະນາຊົນນະບົດ ແລະ ລຶບລ້າງ​ຄວາມທຸກ​ຍາກ​ຂັ້ນ​ສູນ​ກາງ ມີ​ຜູ້​ຕາງໜ້າ​ຈາກ​ກະຊວງ ອຳ

ນາດ​ການປົກຄອງ​ຂັ້ນ​ທ້ອງຖິ່ນ ແລະ ອົງການຈັດຕັ້ງ​ກ່ຽວຂ້ອງ​ເຂົ້າ​ຮ່ວມ.

 

ທ່ານ ບຸນ​ເຮືອງ ດວງ​ພະຈັນ ກ່າວ​ວ່າ: ກອງ​ປະຊຸມ​ຄັ້ງ​ນີ້​ແມ່ນມີ​ຄວາມ​ໝາຍ​ຄວາມ​ສຳຄັນ​ຍິ່ງ ນອກຈາກ​ຈະ​ເປັນ​

ການ​ວາງ​ຮາກຖານ​ ໃຫ້​ແກ່​ການ​ກຳນົດ​ຖານະບົດບາດ​ອັນ​ເປັນ​ບຸລິມະສິດ​ໃນ 4 ຂົງເຂດ​ຂອງ​ພັກ ແລະ ລັດ​ຖະບານ​

ແລ້ວ ຜູ້​ເຂົ້າ​ຮ່ວມ​ກອງ​ປະຊຸມ​ຈະ​ໄດ້​ຄົ້ນຄວ້າ​ປຶກສາ​ຫາລືໃນ​ຫຼາຍ​ບັນຫາ​ສຳຄັນ ເຊັ່ນ: ຕີລາຄາ​ຄືນ​ສະພາບ​ພົ້ນ​ເດັ່ນ ​

ການຈັດ​ຕັ້ງ​ປະຕິບັດ​ແຜນ​ປະຈຳ​ປີ ໂດຍ​ສະເພາະ​ແມ່ນ​ການ​ຫັນ​ວຽກງານ 3 ສ້າງ​ເຂົ້າ​ສູ່​ລວງ​ເລິກ​ໃນຂະ​ບວນ​ການ​

ພັດທະນາ​ຊົນ​ນະບົດ ແລະ ລຶບລ້າງ​ຄວາມທຸກຍາກ ຫາລື​ເຖິງ​ວິໄສ​ທັດ​ໃນ​ການພັດທະນາ​ຊົນນະບົດ ລຶບລ້າງຄວາມ

ທຸກ​ຍາກ ແລະ ແກ້​ໄຂ​ບັນຫາ​ລະເບີດ​ບໍ່​ທັນ​ແຕກ​ຕົກ​ຄ້າງ 15 ປີ (2016-2030) ຍຸດ​ທະ​ສາດ 10 ປີ (2016-2025) ແລະ

ແຜນການ 5 ປີ (2016-2020) ວຽກ​ງານ​ການ​ກຳນົດ​ຈຸດ​ສຸມ ແລະ ວຽກ​ງານ​ຈັດ​ສັນ​ພູມ​ລຳເນົາ ເພື່ອ​ແກ້​ໄຂ​ບັນຫາ

​ລະ​ແວງສົງໄສ​ຂອງ​ຜູ້​ໃຫ້​ທຶນ ໂດຍ​ແນໃສ່ປັບປຸງ​ບ້ານ​ນ້ອຍ​ທີ່​ບໍ່​ມີ​ຄວາມ​ໝັ້ນຄົງ​ ໃຫ້​ກາຍເປັນ​ບ້ານ​ໃຫຍ່ ເຊິ່ງປັດຈຸ

ບັນ​ມີ​ຢູ່​ປະມານ 1.100 ບ້ານ ພ້ອມ​ນັ້ນ ກອງ​ປະຊຸມ​ຍັງ​ໄດ້​ຫາລື​ກ່ຽວ​ກັບ​ ຂອດ​ການ​ປະສານ​ງານ​ລະຫວ່າງ​ກອງ​ທຶນ​ຫຼຸດ

ຜ່ອນຄວາມທຸກ​ຍາກ (​ທລຍ) ຂັ້ນ​ສູນກາງ ຂັ້ນ​ແຂວງ ແລະ ຂັ້ນ​ເມືອງຕື່ມ​ອີກ.

 

ແຫລ່ງຂ່າວ: ວຽງຈັນໃໝ່

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...