ອີງຕາມການລາຍງານ ເວັບໄຊກະຊວງການຕ່າງປະເທດ ລາຍງານໃນວັນທີ 4 ພຶດສະພານີ້ວ່າ: ຣັດເຊຍໄດ້ອອກຖະແຫຼງການ ສັ່ງຫ້າມບໍ່ໃຫ້ປະຊາຊົນຍີ່ປຸ່ນ 63 ຄົນລວມທັງ ທ່ານ ຟູມິໂອ ຄິຊິດະ ນາຍົກລັດຖະມົນຕີຍີ່ປຸ່ນເຂົ້າແດນຣັດເຊຍ.
ໃນຖະແຫຼງການລະບຸວ່າ: ລັດຖະບານຍີ່ປຸ່ນໄດ້ສ້າງຂະບວນການຕ້ານຣັດເຊຍ ເຫັນດີໃຫ້ຊາວຍີ່ປຸ່ນກ່າວຖ້ອຍຄວາມທີ່ຣັດເຊຍຮັບບໍ່ໄດ້ ແລະ ໃສ່ຮ້າຍປ້າຍສີແລະຂົ່ມຂູ່ຣັດເຊຍໂດຍກົງ. ໂດຍພິຈາລະນາເຖິງສະພາບການດັ່ງກ່າວທັງລັດຖະບານຍີ່ປຸ່ນໄດ້ໃຊ້ມາດຕະການລົງໂທດປະຊາຊົນຣັດເຊຍ, ຣັດເຊຍຈຶ່ງຕົກລົງຫ້າມບໍ່ໃຫ້ປະຊາຊົນຍີ່ປຸ່ນຈຳນວນໜຶ່ງເຂົ້າດິນແດນຣັດເຊຍ.
ໃນຂະນະ ທ່ານຟູມິໂອ ຄິຊິດະ ນາຍົກລັດຖະມົນຕີຍີ່ປຸ່ນກ່າວໃນມື້ດຽວກັນວ່າ: ຕົນເອງຮັບບໍ່ໄດ້ຕໍ່ການຕັດສິນໃຈຂອງຣັດເຊຍ.
ແຫຼ່ງຂ່າວ: CRI