spot_img
Homeຂ່າວພາຍ​ໃນຄະນະສະເພາະກິດແຂວງສະຫວັນນະເຂດ ເຄື່ອນຍ້າຍຄົນເຈັບ ແລະ ອຸປະກອນການເເພດ ອອກຈາກໂຮງໝໍສະໜາມຫຼັກ9.

ຄະນະສະເພາະກິດແຂວງສະຫວັນນະເຂດ ເຄື່ອນຍ້າຍຄົນເຈັບ ແລະ ອຸປະກອນການເເພດ ອອກຈາກໂຮງໝໍສະໜາມຫຼັກ9.

Published on

ໃນປັດຈຸບັນນີ້ ສະພາບການແຜ່ລະບາດຂອງພະຍາດໂຄວິດ-19 ໃນຊຸມຊົນ ມີທ່າອ່ຽງຫຼຸດລົົງຫຼາຍເວົ້າສະເພາະພາຍໃນແຂວງສະຫວັນນະເຂດ ເພາະສະນັ້ນໃນວັນທີ 4 ພຶດສະພາ 2022 ຜ່ານມານີ້ ຫ້ອງວ່າການແຂວງ ແລະ ພະແນກສາທາລະນະສຸກແຂວງ ຮ່ວມກັບພາກສ່ວນອົງການຈັດຕັ້ງມະຫາຊົນພາຍໃນພະແນກ, ໂຮງໝໍແຂວງ ແລະ ວິທະຍາໄລ ວິທະຍາສາດ ສຸຂະພາບ ສະຫວັນນະເຂດ ( ວສສ ) ຮ່ວມກັບເຄື່ອນຍ້າຍອຸປະກອນການເເພດ, ຄົນເຈັບ ແລະ ອຸປະກອນອຳນວຍຄວາມສະດວກຕ່າງໆ ທີ່ຢູໂຮງໝໍສະໜາມຫຼັກ9 ກັບຄືນໂຮງໝໍແຂວງ.

ສຳລັບອັດຕາການສັກວັກຊິນກັນພະຍາດໂຄວິດ-19 ພາຍໃນແຂວງສະຫວັນນະເຂດ ເຊີ່ງເປີເຊັນການສັກເຂັມທີ 1 ແມ່ນເທົ່າກັບ 65% ເທົ່າກັບ 715.956 ຄົນ, ເປີເຊັນການສັກເຂັມທີ 2ເເມ່ນເທົ່າກັບ 54% ເທົ່າກັບ 592.005 ຄົນ. ຍ້ອນເຫດຜົນດັ່ງກ່າວ ຈຳນວນຄົນເຈັບທີ່ຕິດເຊື້ອພະຍາດໂຄວິດ-19 ກໍ່ບໍ່ມີອາການຮຸນແຮງ ແລະ ຄົນເຈັບທີ່ເຂົ້າຮັບການປີ່ນປົວຢູ່ໂຮງໝໍສະໜາມຫຼັກ 9 ກໍ່ຫຼຸດລົງຫຼາຍຈາກໃນເມື່ອກ່ອນ.

ດັ່ງນັ້ນຄະນະສະເພາະກິດຂັ້ນແຂວງ ຈື່ງເຫັນດີເຄື່ອນຍ້າຍຄົນເຈັບທີ່ເຂົ້າມາປີ່ນປົວຢູ່ໂຮງໝໍສະໜາມຫຼັກ9 ຍ້າຍມາຢູ່ຕຶກໂຣກຊາ ໂຮງໝໍແຂວງສະຫວັນນະເຂດ ເພື່ອໃຫ້ເເທດເໝາະກັບສະພາບການໃນປັດຈຸບັນ ແລະ ຮັບປະກັນໄດ້ເຖິງມາດຕະການການປ້ອງກັນ, ຄວບຄຸມ ແລະ ສະກັດກັ້ນການແຜ່ລະບາດຂອງພະຍາດໂຄວິດ-19.
ຂໍ້ມູນ: ສາທາລະນະສຸກ ແຂວງສະຫວັນນະເຂດ

ບົດຄວາມຫຼ້າສຸດ

ທ່ານ ງາມປະສົງ ເມືອງມະນີ ລັດຖະມົນຕີກະຊວງ (ຍທຂ) ຊີ້ແຈງສືບຕໍ່ແກ້ໄຂຜົນກະທົບຈາກໂຄງການທາງລົດໄຟລາວ-ຈີນ

ສືບຕໍ່ແກ້ໄຂຜົນກະທົບຈາກໂຄງການທາງລົດໄຟລາວ-ຈີນທີ່ຍັງບໍ່ທັນສໍາເລັດ 16 ໜ້າວຽກ ໃນວາລະການດຳເນີນກອງປະຊຸມໃນກອງປະຊຸມສະໄໝສາມັນ ເທື່ອທີ 9 ຂອງສະພາແຫ່ງຊາດ ຊຸດທີ IX ທ່ານ ງາມປະສົງ ເມືອງມະນີ ລັດຖະມົນຕີກະຊວງໂຍທາທິການ ແລະ ຂົນສົ່ງ...

ແຕ່ງຕັ້ງ ທ່ານ ພອນວິໄລ ແກ້ວບຸນສານ ເປັນຮັກສາການຫົວໜ້າຄະນະຄຸ້ມຄອງດ່ານສາກົນແດນສະຫວັນ.

ປະກາດຍົກຍ້າຍ ແລະ ແຕ່ງຕັ້ງພະນັກງານນຳພາ-ຄຸ້ມຄອງຂອງດ່ານສາກົນແດນສະຫວັນ ວັນທີ 10 ມີຖຸປະກາດຍົກຍ້າຍ ແລະ ແຕ່ງຕັ້ງພະນັກງານນຳພາ-ຄຸ້ມຄອງຂອງດ່ານສາກົນແດນສະຫວັນນາ 2025 ຜ່ານມາ, ດ່ານສາກົນແດນສະຫວັນ ແຂວງສະຫວັນນະເຂດ ໄດ້ປະກາດຍົກຍ້າຍ ແລະ ແຕ່ງຕັ້ງພະນັກງານນຳພາ-ຄຸ້ມຄອງຂອງດ່ານສາກົນແດນສະຫວັນ,...

ຖວທ ຈັດກອງປະຊຸມສະຫຼຸບການຈັດຕັ້ງປະຕິບັດວຽກງານໃນໄລຍະຜ່ານມາ

ຖວທ ສະຫຼຸບການປະຕິບັດວຽກງານ ແລະ ເຜີຍແຜ່ແຈ້ງການກ່ຽວກັບການປັບປຸງກົງຈັກ - ບຸກຄະລາກອນ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ຈັດກອງປະຊຸມສະຫຼຸບການຈັດຕັ້ງປະຕິບັດວຽກງານໃນໄລຍະຜ່ານມາ, ພ້ອມທັງເຜີຍແຜ່ແຈ້ງການກ່ຽວກັບການປັບປຸງກົງຈັກ ແລະ ບຸກຄະລາກອນ...

ສະເໜີໃຫ້ລັດຖະບານເອົາໃຈໃສ່ຈັດຕັ້ງປະຕິບັດ 7 ບັນຫາ ໃນການພັດທະນາພະລັງງານໄຟຟ້າ

ສະເໜີໃຫ້ລັດຖະບານເອົາໃຈໃສ່ຈັດຕັ້ງປະຕິບັດ 7 ບັນຫາ ໃນການພັດທະນາພະລັງງານໄຟຟ້າ ທ່ານ ສົມມາດ ພົນເສນາ ຮອງປະທານສະພາແຫ່ງຊາດ ໄດ້ຖະແຫຼງຂ່າວຜົນການພິຈາລະນາບົດລາຍງານຂອງລັດຖະບານ ໃນການຈັດຕັ້ງປະຕິບັດບັນດານະໂຍບາຍ, ນິຕິກຳ, ກົນໄກ ໃນການພັດທະນາພະລັງງານໄຟຟ້າໃນກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດ...