ສຳນັກຂ່າວກຽວໂດ ລາຍງານວ່າ: ຍີ່ປຸ່ນ ແລະ ໄທ ໄດ້ລົງນາມຂໍ້ຕົກລົງວ່າດ້ວຍການຖ່າຍໂອນອຸປະກອນ ແລະ ເຕັກໂນໂລຊີປ້ອງກັນປະເທດ ໂດຍເປັນການກັຫັດກຸມການຮ່ວມມື ຄວາມໝັ້ນຄົງເພີ່ມຄວາມຮັກແພງສາມັກຄີໃຫ້ແໜ້ນແຟ້ນຍິ່ງຂຶ້ນ ໃນຊ່ວງເວລາທີ່ຈີນມີອິດທິພົນຫລາຍຂຶ້ນ ຢູ່ພາກພຶ້ນອິນໂດແປຊິຟິກ.
ທ່ານ ຟູມິໂອະ ຄິຊິດະ ນາຍົກລັດຖະມົນຕີຍີ່ປຸ່ນ ເປີດເຜີຍໃນງານຖະແຫຼງຂ່າວຫຼັງພົບປະກັບ ທ່ານ ພົນເອກ ປະຍຸດ ຈັນໂອຊາ ນາຍົກລັດຖະມົນຕີໄທວ່າ: “ຂໍ້ຕົກລົງນີ້ນັບວ່າເປັນຄວາມກ້າວໜ້າສຳຄັນ” ໃນການຮ່ວມມືດ້ານຄວາມໝັ້ນຄົງລະດັບທະວຶພາຄີ ໂດຍທັງສອງສອງປະເທດຈະຕັດສິນໃຈວ່າຈະຖ່າຍໂອນເລື່ອງໃດແດ່.
ທັງນີ້ຍີ່ປຸ່ນໄດ້ເດີນໜ້າໃຫ້ຄວາມສຳພັນກັບປະເທດໃນແຖບອາຊຽນຕາເວັນອອກສຽງໃຕ້ ເພື່ອສົ່ງເສີມວິໄສທັດໃນການສ້າງພູມມິພາກ ອິນໂດແປຊີຟິກທີ່ ເສລີ ແລະ ເປີດກວ້າງ ເພື່ອຮັບມືກັບອິດທິພົນຂອງຈີນທີ່ມີຫຼາຍຂຶ້ນເລື້ອຍໆ ໂດຍຍີ່ປຸ່ນໄດ້ບັນລຸຂໍ້ຕົກລົງໃນລັກສະນະດຽວກັນນິກັບບາງປະເທດໃນອາຊຽນຕາເວັນອອກສຽງໃຕ້ມາກ່ອນແລ້ວລວມທັງຟິລິປິນ ຫວຽດນາມ ມາເລເຊຍ ແລະ ອິນໂດເນເຊຍ.
ທີ່ມາ:ອິນໂຟເຄວ