ກຳມະກອນ ແລະ ຊາວຜູ້ອອກແຮງງານໃນແບນຊິກ ເດີນປະທ້ວງລັດຖະບານ ເຜົາລົດວອດກາງເມືອງ ຕ້ານ
ມາດຕະການຮັດເຂັມຂັດ.
ສຳນັກຂ່າວຕ່າງປະເທດລາຍງານ ໃນວັນທີ 7 ພະຈິກນີ້ວ່າ ລົດຍົນທີ່ຈອດຢູ່ຕາມຖະໜົນ ໃຈກາງນະຄອນຫລວງ
ບຣຸກແຊນ ເມືອງຫລວງຂອງແບນຊິກ ຖືກກຸ່ມຜູ້ປະທ້ວງທີ່ຫາກໍຢຸຕິການເດີນຂະບວນປະທ້ວງຄັດຄ້ານມາດ
ຕະການຮັດເຂັມຂັດຂອງລັດຖະບານ ຈູດທຳລາຍຫລາຍຄັນ ເຊິ່ງລວມເຖິງມີການແກ່ວງກ້ອນຫີນ ແລະ ລະເບີດ
ຄັວນໃສ່ເຈົ້າໜ້າທີ່ຕຳຫລວດອີກດ້ວຍ.
ເຫດການດັ່ງກ່າວ ສືບເນື່ອງມາຈາກນະໂຍບາຍການຍືດອາຍຸຂອງພະນັກງານລັດ, ຢຸດຈຶ້ງຄ່າແຮງງານ ແລະ ຕັດ
ການບໍລິການສາທາລະນະ ຕາມເປົ້າໝາຍຂອງກອງປະຊຸມສະຫະພາບເອີລົບ ໂດຍອົງການການຄ້າ ໄດ້ພາກັນຢຸດ
ງານເພື່ອເດີນຂະບວນປະທ້ວງຕໍ່ນະໂຍບາຍດັ່ງກ່າວຂອງລັດຖະບານ.
ທັງນີ້ ຂະບວນປະທ້ວງດັ່ງກ່າວ ໄດ້ເກີດຂຶ້ນໃນມື້ວານນີ້ (6 ພະຈິກ) ເຊິ່ງນັບເປັນໜຶ່ງໃນການປະທ້ວງຂອງກຳມະ
ກອນ ຄັ້ງໃຫຍ່ທີ່ສຸດຂອງແບນຊິກ ນັບຕັ້ງແຕ່ສິ້ນສຸດສົງຄາມໂລກຄັ້ງທີ 2 ເປັນຕົ້ນມາ ເຊິ່ງເຫດການດັ່ງກ່າວນີ້
ໄດ້ເຮັດໃຫ້ມີຜູ້ໄດ້ຮັບບາດເຈັບ 14 ຄົນ.
