ເລຂາທິການສະຫະປະຊາຊາດເດີນທາງໄປ້ມືອງມົດສະກູ ແລະ ມີການຫາລືກັບປະທານາທິບໍດີ ປູຕິນ ໂດຍເຫັນດີຕົກລົງອົບພະຍົບພົນລະເມືອງອອກຈາກມາຣິອູປໍ
ປະທານາທິບໍດີ ປູຕິນ ກ່າວວ່າ: ການລົງນາມຮັບປະກັນວ່າດ້ວຍຄວາມໝັ້ງຄົງ ຈະບໍ່ເກີດຂຶ້ນຈົນກວ່າປັນຫາດຶນແດນ ໃນຄາບສະມຸດໄຄເມຍ ເມືອງເຊວາສໂທຟໍ ຈະຖືກແກ້ໄຂ ເຊິ່ງຂະນະນີ້ທັງສອງຝ່າຍກຳລັງຫາລືຮ່ວມກັນທາງອອນລາຍຢ່າງຕໍ່ເນື່ອງ.
ສຳລັບການຫາລືໃນຄັ້ງນີ້ມຸ້ງເນັ້ນໄປທີ່ສະຖານະການຄວາມຂັດແຍ່ງ ໃນເມືອງມາຣິອູປໍ ເຊິ່ງເປັນທ່າເມືອງທີ່ສຳຄັນທາງຕອນໃຕ້ຂອງຢູເຄຣນ ທີ່ເວລານີ້ກຳລັງຖືກກອງທັບຣັດເຊຍປິດລ້ອມມາເປັນເວລາຫຼາຍອາທິດ.
ທັງນີ້ຜູ້ນໍາຣັດເຊຍໄດ້ບອກໃຫ້ກອງທັບຢູເຄນປ່ອຍພົນລະເຮືອນອອກມາຈາກໂຮງງານເຫຼັກທີ່ອ້າງວ່າມີພົນລະເຮືອນຢູ່ໃນນັ້ນ ບໍ່ເຊັ່ນນັ້ນຈະຖືວ່າກອງທັບຢູເຄຣນກະທຳຕົວຄືຜູ້ກໍ່ການຮ້າຍໃນຫຼາຍປະເທດທົ່ວໂລກເຊັ່ນ: ກຸ່ມລັດອິດສະລາມ (ISIS) ໃນຊີເຣຍທີ່ເຊື່ອງຕົວຢູ່ເບື້ອງຫຼັງພົນລະເມືອງ.
ພາຍຫຼັງການຫາລືດັ່ງກ່າວ ທາງ ທ່ານ ສະເຕຟານ ດູຈານຣິກ ໂຄສົກສະຫະປະຊາຊາດ ກ່າວວ່າ: ປະທານາທິບໍດີ ປູຕິນ ໄດ້ເຫັນດີໃນຫຼັກການຂອງສະຫະປະຊາຊາດ ໃນການອົບພະຍົບພົນລະເຮືອນອອກຈາກໂຮງງານທີ່ຖືກປິດລ້ອມ, ໂດຍການກາລືເພີ່ມເຕີມຈະຈັດຂຶ້ນຮ່ວມກັບສຳນັກງານເພື່ອການປະສານງານ ແລະ ກະຊວງປ້ອງກັນປະເທດຂອງຣັດເຊຍຕໍ່ໄປ.
ໃນຂະນະທີ່ສະຖານະການເມືອງ ມາລີອູປອລ ກະຊວງການຕ່າງປະເທດຢູເຄຣນ ເຜີຍແຜ່ພາບຂອງທະຫານທີ່ໄດ້ຮັບບາດເຈັບ ແລະ ມີທະຫານຢູເຄນກວ່າ 500 ຄົນກຳລັງຖ້າໃຫ້ການຊ່ວຍເຫຼືອທາງການແພດຢ່າງຮີບດ່ວນໃນໂຮງງານເຫຼັກ ອາຊອບສະຕໍ ຫຼັງຖືດສະກັດການຊ່ວຍເຫຼືດດ້ານມະນຸດສະທຳ.