ໂທລະພາບ NHK ຂອງຍີ່ປຸ່ນລາຍງານວ່າ: ວັນທີ 23 ເມສານີ້ ເຮືອທ່ອງທ່ຽວ ຄາຊຸ 1 ທີ່ບັນທຸກລູກເຮືອ ແລະນັກທ່ອງທ່ຽວ 26 ຄົນ ໄດ້ເກີດອຸບັດເຫດຫຼົ້ມຢູ່ເຂດໃກ້ຄຽງແຫຼມຊີເຣໂຕໂກະ ທາງພາກຕາເວັນອອກສຽງເໜືອຂອງແຂວງຮັອກໄກໂດປະເທດຍີ່ປຸ່ນ ຍ້ອນນ້ຳເຂົ້າເຮືອ. ເຮືອລຳນີ້ໄດ້ຂາດການຕິດຕໍ່ຫຼັງຈາກໄດ້ຂໍການຊ່ວຍເຫຼືອນຳອົງການຮັກສາຄວາມປອດໄພທາງທະເລຍີ່ປຸ່ນ.
ເຊິ່ງເຮືອລຳດັ່ງກ່າວໄດ້ລາຍງານຕໍ່ກັບອົງການຮັກສາ ຄວາມປອດໄພທາງທະເລຍີ່ປຸ່ນ ເພື່ອຂໍການຊ່ວຍເຫຼືອໃນເວລາປະມານ 13 ໂມງ 15 ນາທີຂອງວັນທີ 23 ເມສາ ໂດຍກ່າວວ່າ “ນ້ຳກຳລັງໄຫຼເຂົ້າຫົວເຮືອ, ເຮືອກຳລັງຈະຈົມລົງ, ລຳເຮືອໄດ້ອ່ຽງໄປທາງຂ້າງປະມານ 30 ອົງສາ”. ຫຼັງຈາກນັ້ນ, ເຮືອລຳນີ້ໄດ້ຂາດການຕິດຕໍ່. ຕາມຂ່າວລາຍງານວ່າ: ລູກເຮືອ ແລະຜູ້ໂດຍສານຢູ່ໃນເຮືອລຳນີ້ ໄດ້ນຸ່ງເສື້ອຊູຊີບທັງໝົດ.
ເຈົ້າໜ້າທີ່ໃນທ້ອງຖິ່ນກ່າວວ່າ: ເຮືອທ່ອງທ່ຽວ ຄາຊຸ 1 ບັນທຸກລູກເຮືອທັງໝົດ 26 ຄົນ ໃນນັ້ນ,ມີຜູ້ໂດຍສານທີ່ເປັນຜູ້ໃຫຍ່ 22 ຄົນ, ເດັກນ້ອຍ 22 ຄົນ ແລະ ມີ ລູກເຮືອອີກ 2 ຄົນ ໂດຍຫຼ້າສຸດພົບຄົນໝົດສະຕິແລ້ວ 7 ຄົນເຊື່ອວ່າເປັນໜຶ່ງຜູ້ໂດຍສານຂອງເຮືອລຳດັ່ງກ່າວ.
ທີ່ມາ: CRI