ອີງຕາມສຳນັກ​ຂ່າວ​ ຊິນ​ຫົວ ລາຍງານ: ເມື່ອ​ບໍ່​ດົນ​ມາ​ນີ້ ທ່ານ David Malpass ປະທານ​ ທະນາຄານ​ໂລກ ​ເຕືອນວ່າ:ວິ​ກິດ​ການ​ ດ້ານ​ອາຫານອາດ​ຈະ​ແກ່ຍາວ ​ຮອດ​ປີໜ້າ ​ເນື່ອງ​ຈາກສະພາບ​ການ​ໂລກ ຍັງ​​ເກີດ​ຄວາມ​ຄັດ​ແຍ່ງກັນ​ຫລາຍ​ຂຶ້ນ ​ເຮັດ​ໃຫ້ລາຄາ ​ອາຫານ ປັບ​ຕົວ​ເພີ່ມ​ຂຶ້ນ​ ຢ່າງ​ຕໍ່​ເນື່ອງ ​ເຖິງ37% ​ແລ້ວ​ ເມື່ອ​ທຽບ​ໃສ່ ​ລາຍ​ປີ ​ແລະ ປັບ​ຕົວ​ຂຶ້ນ​ຫລາຍ​ກວ່າດັດຊະນີຜູ້​ບໍລິ​ໂພ​ກ (CPI) ດັ່ງນັ້ນ ທະນາຄານ​ໂລກ ຈະ​ຈັດ​ສັນ​ເງິນອຸດ​ໜູນ 170 ຕື້​ໂດ​ລາ​ສະຫະລັດ ​ໃນ​ໄລຍະ 15​ ເດືອນ​ຕໍ່ໜ້າ ​ເພື່ອ​ຊ່ວຍ​ ຫລຸດຜ່ອນວິ​ກິດ​ຄັ້ງນີ້ ຊຶ່ງ​ຈະ​ເປັນ ​ການຈັດ​ວົງ​ເງິນຊ່ວຍ​ເຫລືອ​ຫລາຍ​ທີ່​ສຸດຂອງ​ທະນາຄານ​ໂລກ.

ບັນຫາ​ທີ່​​ເກີດ​ຂຶ້ນ ສົ່ງ​ຜົນ​ກະທົບ​ຕໍ່​ກຸ່ມ​ຄົນ​ທຸກ​ຍາກທີ່​ຕ້ອງ​ຈ່າຍ​ເງິນ​ ຊື້​ອາຫານຫລາຍ​ກວ່າ​ ໃນ​ລາຍ​ຈ່າຍ ​ປະຈຳ​ວັນ ຕະຫລອດ ​ໄລຍະຫລາຍ​ປີ. ນອກ​ນີ້ທະນາຄານ​ໂລກຈະ​ຈັດ​ງົບປະມານ 11 ຕື້​ໂດ​ລາ ​ສະຫະລັດ​ໃນ​ໂຄງການ ​ສັກ​ວັກ​ຊິນໃນ 81 ​ປະ​ເທດ ພາຍ​ໃນ​ ທ້າຍ​ເດືອນມິຖຸນາ​ນີ້.
ຂໍ້ມູນ: ຂປລ