ວິທະຍຸກະຈາຍສຽງຫວຽດນາມລາຍງານວ່າ: ເມື່ອບໍ່ດົນຜ່ານມາ, ທ່ານນາງ ຄຣິສຕາລິນາ ຈໍຈີວາ ຜູ້ອຳນວຍການກອງທຶນການເງິນສາກົນ (IMF) ໄດ້ກ່າວເຕືອນວ່າ: ສະຖານະການຄວາມເຄັ່ງຮ້ອນໃນໂລກ ພວມເຮັດໃຫ້ແງ່ຫວັງດ້ານເສດຖະກິດຂອງບັນດາປະເທດເກືອບທັງໝົດໃນໂລກອ່ອນຕົວລົງ. ໄພເງິນເຟີ້ຢູ່ລະດັບສູງແມ່ນຄວາມສ່ຽງອັນຕະລາຍຢ່າງຈະແຈ້ງຕໍ່ພື້ນຖານເສດຖະກິດທົ່ວໂລກໃນປັດຈຸບັນ.
ທ່ານນາງ ຄຣິສຕາລິນາ ຈໍຈີວາ ໃຫ້ຮູ້ວ່າ: ສະຖານະການຄວາມເຄັ່ງຮ້ອນໃນປັດຈຸບັນ ແມ່ນໜຶ່ງໃນປັດໄຈທີ່ເຮັດໃຫ້ພື້ນຖານເສດຖະກິດຂອງ 143 ປະເທດຫຼຸດລະດັບລົງ ເຖິງວ່າເສດຖະກິດຢູ່ຫຼາຍປະ ເທດຍັງສືບຕໍ່ມີການເຕີບໂຕ. ວິກິດການນີ້ໄດ້ເຮັດໃຫ້ການຄ້າທົ່ວໂລກທາງດ້ານພະລັງງານ, ທັນຍາຫານ, ອາຫານຂາດວັກຂາດຕອນ, ອາດຈະເກີດການຂາດດຸນຂອງທັນຍາຫານຢູ່ອາຟຣິກາ ແລະ ພາກຕາເວັນອອກກາງ. ທ່ານນາງ ຄຣິສຕາລິນາ ຈໍຈີວາ ຍັງຮຽກຮ້ອງໃຫ້ຫຼາຍຝ່າຍມີຂໍ້ລິເລີ່ມ ເພື່ອແນໃສ່ເພີ່ມທະວີການຄ້ຳປະກັນທັນຍາຫານ ໃນສະພາບທີ່ລາຄາອາຫານ ແລະ ສາລີ ພວມເພີ່ມຂຶ້ນສູງ, ແຫຼ່ງສະໜອງຢູ່ ອາຟຣິກາ ແລະ ພາກຕາເວັນອອກກາງ ກໍພວມຂາດແຄນ.
ຂໍ້ມູນ:ປະຊາຊົນ