ໃນວັນທີ 11 ເມສານີ້. 65 ສຳນັກຂ່າວແຊເນວ ນິວອາຊຽນ ລາຍງານວ່າ: ເກີດເຫດປະທ້ວງປະທະກັບເຈົ້າໜ້າທີ່ຕຳຫຼວດ ກາງເມືອງຈາກາຕາ ປະເທດອິນໂດເນເຊຍ ໂດຍຜູ້ປະທ້ວງເຊິ່ງເປັນນັກສຶກສາຫລາຍຮ້ອຍຄົນ ໄດ້ລວມຕົວກັນປະທ້ວງ ຈາກທີ່ມີຂ່າວລືວ່າ ນາຍໂຈໂຄ ວິໂດໂດ ຫຼື ໂຈໂຄວີ ປະທານາທິບໍດີອິນໂດເນເຊຍ.
ໃນການດຳລົງຕຳແໜ່ງເກີນກຳນົດ 2 ສະໄໝ ລວມເຖິງປະທ້ວງຄ່າຄອງຊີບເຄື່ອງຂອງມີລາຄາທີ່ແພງ ໂດຍກຸ່ມຜູ້ປະທວງໄດ້ຊຸດເສື້ອແຈັກເກັດທີ່ຕິດແສງໄຟນີອອນ ສະຫວ່າງ ແລະ ເດີນຂະບວນໄປລັດຖະສະພາໃນກຸງຈາກາຕາ ກ່ອນຈະດຶກໝາກຫີນເຂົ້າໄປດ້ານໃນເຮັດໃຫ້ເຈົ້າໜ້າທີ່ຕ້ອງໄດ້ເຂົ້າລະງັບສະຖານະການໂດຍການຍິງແກັສນ້ຳຕາໃສ່ຜູ້ປະທ້ວງ ສ່ວນບໍລິເວນອື່ນໆ ເຊັ່ນ ແຂວງສຸລາເວສີໃຕ້ ແລະ ຊະວາຕາເວັນຕົກໄດ້ເກີດການປະທ້ວງເຊັ່ນດຽວກັນ.
ດ້ານຫົວໜ້າເຈົ້າໜ້າທີ່ຕຳຫຼວດ ໃນເມືອງຈາກາຕາ ໄດ້ລາຍງານວ່າ: ອາຈານໃນມະຫາວິທະຍາໄລທີ່ເຂົ້າຮ່ວມການປະທ້ວງໄດ້ຮັບບາດເຈັບສາຫັດຫຼັງຈາກຖືກກຸ່ມບໍ່ຫວັງດີທຳຮ້າຍ ແລະ ເຈົ້າໜ້າທີ່ທີ່ເຂົ້າໃຫ້ຄວາມຊ່ວຍເຫຼືອກໍໄດ້ຮັບບາດເຈັບເຊັ່ນກັນແຕ່ຍັງບໍ່ໄດ້ລະບຸວ່າເປັນຝີມືຄົນໃນກຸ່ມໃດ.
ສຳລັບ ທ່ານ ໂຈໂຄວີ ໄດ້ຮັບຄະແນນສະໜັບສະໜຸນຢ່າງຫຼວງຫຼາຍ ຕັ້ງແຕ່ປີ 2557 ແຕ່ຜົນຄະແນນຫຼ້າສຸດຊີ້ໃຫ້ວ່າຊາວອິນໂດຫຼາຍກວ່າ 70 % ຕໍ່ຕ້ານແຜນການຂະຫຍາຍເວລາດຳລົງຕຳແໜ່ງເກີນ 2 ສະໄໝ ນອກຈາກນີ້ ທ່ານ ໂຈໂຄວີ ຍັງຖືກວິພາກວິຈານ ເຖິງທ່າທີທີ່ລັງເລ ແລະ ປະຕິເສດຢ່າງຊັດເຈນວ່າຂ່າວລືການຂະຫຍາຍຕຳແໜ່ງນັ້ນບໍ່ແມ່ນຄວາມຈິງ.
ຂໍ້ມູນຈາກ: CNA