ອີງຕາມສຳນັກຂ່າວ POST TODAY ລາຍງານວ່າ: ສູນບໍລິຫານສະຖານະການແພ່ລະບາດຂອງເຊື້ອໄວຣັດໂຄວິດ-19 (ສບຄ) ປະເທດໄທ ຜ່ອນຄາຍມາດຕະການກວດພະຍາດໂຄວິດ-19 ສຳລັບຜູ້ເດີນທາງເຂົ້າໄທ ຍົກເລີກ RT-PCR ຢູ່ສະໜາມບິນພຽງແຕ່ກວດ ATK ແລ້ວລໍຖ້າຜົນ ອຳນວຍຄວາມສະດວກໃຫ້ນັກທ່ອງທ່ຽວ ເຊື່ອວ່າຈຳນວນນັກທ່ອງທ່ຽວຈະເພີ່ມຂຶ້ນ.
ເມື່ອວັນທີ 8 ເມສານີ້, ທ່ານ ສາທິດ ປິຕຸເປຊະ ລັດຖະມົນຕີຊ່ວຍວ່າການກະຊວງສາສະທາລະນະສຸກ ເປີດເຜີຍພາຍຫຼັງກອງປະຊຸມ ສບຄ ຊຸດໃຫຍ່ ທີ່ມີນາຍົກລັດຖະມົນຕີເຫັນດີຕໍ່ຂໍ້ສະເໜີຂອງກະຊວງສາທາລະນະສຸກ ທີ່ຜ່ອນມາດຕະການກວດພະຍາດໂຄວິດ-19. ຜູ້ທີ່ເຂົ້າມາໄທຜ່ານສະໜາມບິນ ແຕ່ກ່ອນກຳນົດໃຫ້ມີການທົດສອບ RT-PCR ເປັນການທົດສອບ ATK ຢູ່ສະໜາມບິນ ເພື່ອອຳນວຍຄວາມສະດວກໃຫ້ແກ່ນັກທ່ອງທ່ຽວ ແລະ ນັກທ່ອງທ່ຽວທີ່ເຂົ້າມາໄທ.
ທ່ານ ປະຍຸດ ຈັກໂອຊາ ນາຍົກລັດຖະມົນຕີ ແລະ ລັດຖະມົນຕີະຊວງປ້ອງກັນປະເທດກ່າວວ່າ: ທີ່ປະຊຸມ ສບຄ ຄັ້ງນີ້ມີການຫາລືມາດຕະການຕ່າງໆທີ່ຕ້ອງມີການເຝົ້າລະວັງ ແລະ ທີ່ສາມາດມີການຜ່ອນຄາຍໄດ້ຄືການເດີນທາງເຂົ້າປະເທດເຊິ່ງຈະເລີ່ມຕົ້ນໃນເດືໍືອນ ພຶດສະພານີ້.
ທັງນີ້ຈະມີການເພີ່ມເຈົ້າໜ້າທີ່ຢູ່ສະໜາມບິນເພື່ອອຳນວຍຄວາມສະດວກໃນການດຳເນີນການເພື່ອໃຫ້ໃຊ້ເວລາໜ້ອຍທີ່ສຸດ ແລະ ໃຫ້ນັກທ່ອງທ່ຽວສາມາດຖ້າຜົນກວດໄດ້ເລີຍໂດຍບໍ່ຕ້ອງຈອງຫ້ອງພັກ ຫຼື ໂຮງແຮມ ເພື່ອຖ້າຜົນກວດຄືທີ່ຜ່ານມາ ເຊິ່ງແນວຄຶດນີ້ເນື່ອງຈາກໃນປະເທດມີການຕິດເຊື້ອພະຍາດໂຄວິດ-19 ພໍສົມຄວນແລ້ວເຮົາກໍມີການກວດຫາເຊື່ອປະຊາຊົນດ້ວຍການໃຊ້ເຄື່ອງກວດ ATK ເຊິ່ງເມື່ອນັກທ່ອງທ່ຽວຕ່າງຊາດເຂົ້າມາກໍຈະໃຊ້ວິທີແບບດຽວກັນໃນການກວດຫາເຊື້ອເພື່ອເປັນການອຳນວນວາມສະດວກ.