ອີງຕາມການລາຍງານຂອງສຳນັກຂ່າວ Reuters ເມື່ອວັນທີ 6 ເມສາທີ່ຜ່ານມາ ຕຳຫຼວດໃນນະຄອນຫຼວງໂຣມາເນຍ ກ່າວໃນຖະແຫຼງການວ່າ: ຊາຍຄົນໜຶ່ງເສຍຊີວິດຫຼັງຈາກທີ່ລາວກໍ່ເຫດຂັບລົດຂອງລາວໄປຕໍາປະຕູຮົ້ວຂອງສະຖານທູດຣັດເຊຍປະຈໍານະຄອນຫຼວງບູຄາເຣສທ໌ໃນເຊົ້າວັນພຸດ.
ວີດີໂອທີ່ບັນທຶກໄວ້ກ່ອນເຈົ້າໜ້າທີ່ດັບເພີງໄປຮອດສະແດງໃຫ້ເຫັນທາງໜ້າຂອງລົດທີ່ໄຟລຸກໄໝ້ໃນຂະນະທີ່ລົດຍັງຄົງຕິດຢູ່ໃນປະຕູຮົ້ວ.
A car crashed into the #Russian Embassy building in #Bucharest, #Romania; after the collision the car caught fire. According to local media, the driver died. pic.twitter.com/Ttwud49eqU
— NEXTA (@nexta_tv) April 6, 2022
ຕຳຫຼວດກ່າວວ່າ ພວກເຂົາກໍາລັງສືບສວນ ແລະ ບໍ່ໄດ້ເປີດເຜີຍຕົວຕົນຂອງຄົນຂັບລົດ ເພາະຍັງບໍ່ເປັນທີ່ຈະແຈ້ງເທື່ອວ່າເປັນອຸປະຕິເຫດ ຫຼື ເຈດຕະນາ ໂດຍໃນຊ່ວງອາທິດທີ່ຜ່ານນີ້, ສະຖານທູດຣັດເຊຍຫຼາຍແຫ່ງທີ່ຢູ່ບ່ອນອື່ນໃນເອີຣົບໄດ້ຕົກເປັນເປົ້າໝາຍຂອງຜູ້ປະທ້ວງທີ່ຄຽດແຄ້ນຍ້ອນການໂຈມຕີຢູເຄຣນ.
ໂຣມາເນຍ ກ່າວໃນວັນອັງຄານວ່າ: ຕົນຈະຂັບໄລ່ນັກການທູດຣັດເຊຍ 10 ຄົນ ທີ່ບໍ່ປະຕິບັດຕາມລະບຽບສາກົນ ໂດຍເຂົ້າຮ່ວມກັບບັນດາປະເທດອື່ນໆໃນເອີຣົບ ເພື່ອເຮັດສິ່ງດັ່ງກ່າວໃນວັນທີ່ຜ່ານມານີ້.
ຄົນຢູເຄຣນເກືອບ 624,860 ຄົນ ໄດ້ຫລົບໜີໄປໂຣມາເນຍນັບຕັ້ງແຕ່ຣັດເຊຍໂຈມຕີປະເທດຂອງເຂົາ ໃນວັນທີ 24 ກຸມພາ ແລະ ອີກປະມານ 80,000 ຄົນ ຍັງຢູ່ໃນໂຣມາເນຍ.
ທີ່ມາ:Reuters