ອີງຕາມສຳນັກຂ່າວ MGR ONLINE ລາຍງານວ່າ: ສາທາລະນະລັດເຊັກສົ່ງ ລົດຖັງ ຮຸ່ນ T-72 ແລະ ລົດສູ້ຮົບ BVP-1 ເຊິ່ງກາຍເປັນປະເທດທຳອິດໃນອົງການທິສັນຍາແອດແລນຕິກເໜືອ (ນາໂຕ) ທີ່ຕັດສິນໃຈມອບອາວຸດໃຫ້ກອງກຳລັງຄຽບໃຊ້ໃນການສູ້ຮົບກັບຣັສເຊຍຕາມຄຳຮ້ອງຂໍຂອງປະທານາທິບໍດີຢູເຄຮນ.

ແຫຼ່ງຂ່າວໃນສາທາລະນະລັດເຊັກຢືນຢັນເມື່ອວັນອັງຄານທີ່ຜ່ານມາວ່າ: ລັດຖະບານໄດ້ມອບລົດຖັງ T-72 ແລະ ລົດສູ້ຮົບ BVP-1 ຈຳນວນໜຶ່ງໃຫ້ກອງທັບຢູເຄນໂດຍກ່ອນໜ້ານີ້ສະຖານີໂທລະພາບທ້ອງຖິ່ນເຜີຍແຜ່ພາບລົດຖັງ 5 ຄັນ ແລະ ລົດຖັງຫຸ້ມເກາະອີກ 5 ຄັນ ກໍາລັງຖືກລຳລຽງໂດຍຂະບວນລົດໄຟ ແລະ ລາຍງານຍັງບອກວ່າເປັນ “ຂອງຂວັນ” ທີ່ຜ່ານຄວາມເຫັນດີຈາກກຸ່ມພັນທະມິດນາໂຕແລ້ວ.

ໂຂສົກກະຊວງປ້ອງກັນປະເທດສາທາລະນະລັດເຊັກ ເປີດເຜີຍວ່າ: ຄວາມຊ່ວຍເຫຼືອທາງທະຫານທີ່ລັດຖະບານມອບໃຫ້ຢູເຄຮນ ຕັ້ງແຕ່ວັນທີ 24 ກຸມພາ ມີມູນຄ່າປະມານ 45 ລ້ານໂດລາສະຫະລັດ ແຕ່ບໍ່ຂໍເປີດເຜີຍລາຍລະອຽດ.