ປະທານາທິບໍດີ ສີລັງກາ ກຽມແຕ່ງຕັ້ງຄະນະລັດຖະມົນຕີຊຸດໃໝ່

0
927

ສຳນັກຂ່າວ ມະຕິຊົນ ອອນລາຍ ລາຍງານກ່ຽວກັບວິກິດການທາງເສດຖະກິດໃນປະເທດສີລັງກາ ຍັງຄົງສ້າງຄວາມວຸ້ນວາຍຫຼ້າສຸດໃນວັນທີ 4 ເມສາ ທີ່ຜ່ານມາ ທ່ານ ໂຄຖານພະຍະ ຣາຊປັກສະ ປະທານາທິບໍດີ ສີລັງກາ ກຽມປະກາດແຕ່ງຕັ້ງຄະນະລັດຖະມົນຕີຊຸດໃໝ່ຫຼັງຈາກລັດຖະມົນຕີໃນຄະນະລັດຖະບານ 26 ຄົນ ຍື່ນຈົດໝາຍລາອອກທັງໝົດໃນຊ່ວງກາງເດິກຂອງຄືນວັນທີ 3 ເມສາທີ່ຜ່ານມາ ໂດຍການປະກາດລາອອກຍົກຊຸດດັງກ່າວມີຂຶ້ນຫຼັງຈາກປະຊາຊົນອອກມາຮຽກຮ້ອງໃຫ້ປະທານາທິບໍດີ ສີລັງກາ ລາອອກຜົນຈາກຄວາມຜິດພາດ ໃນການບໍລິຫານເສດຖະກິດຈົນເກີດວິເກີດວິກິດຢ່າງໜັກໃນຊ່ວງທີ່ຜ່ານມາ.

ຫຼ້າ​ສຸດ ປະທານາທິບໍດີ ສີລັງກາກຽມແຕ່ງຕັ້ງຄະນະລັດຖະມົນຕີຊຸດໃໝ່ໂດຍອອກມາຮຽກຮ້ອງໃຫ້ຝ່າຍຄ້ານຕອບຮັບຕຳແໜ່ງລັດຖະມົນຕີເພື່ອເປັນ ລັດຖະບານທີ່ມີຄວາມເປັນເອກະພາບຂຶ້ນໂດຍ​ທຳນຽບ

ປະທານາທິບໍດີ ສີ​ລັງກາ ອອກ​ຖະ​ແຫຼ​ງການລະບຸວ່າ: ​ປະທານາທິບໍດີເຊີນໃຫ້ກຸ່ມການເມືອງທຸກກຸ່ມໃນສະພາຕອບຮັບແໜ່ງໃນຄະນະລັດຖະມົນຕີເພື່ອຮ່ວມກັນແກ້ໄຂວິກິດຂອງຊາດ.

ການປະກາດລາອອກຂອງຄະນະລັດຖະມົນຕີ ສີລັງກາ ມີຂຶ້ນຫຼັງຈາກປະຊາຊົນຈຳນວນຫຼາຍລວມຕົວກັນປະທ້ວງລັດຖະບານທີ່ບໍລິຫານຜິດພາດ ຂະນະທີ່ສ່ວນໜຶ່ງລຸກຮື ແລະ ພະຍາຍາມບຸກບ້ານຂອງປະທານາທິບໍດີ ສີລັງກາຈົນລັດຖະບານຕ້ອງປະກາດເຄີຟິວ. ເພື່ອຄວບຄຸມການປະທ້ວງ ແລະ ໃຊ້ແກ໊ສນ້ຳຕາໃນການສະຫຼາຍການຊຸມນຸມໃນຊ່ວງທີ່ຜ່ານມາ.

ທັງນີ້ ສີລັງກາ ກຳລັງຮັບມືກັບວິກິດການເສດຖະກິດທີ່ໂຫດຮ້າຍທີ່ສຸດ ນັບຕັ້ງແຕ່ປີ 1948 ເປັນເວລາ 74 ປີ  ຜົນຈາກການຂາດແຄນເງິນສະກຸນໃນການຈ່າຍເງິນນຳເຂົ້າພະລັງງານຈົນເປັນເຫດໃຫ້ນ້ຳມັນແອັດຊັງທີ່ເປັນແຫຼ່ງພະລັງງານໃນການຜະລິດໄຟຟ້າ ແລະ ການໄຟຟ້າຂອງປະຊາຊົນເປັນເວລາ 10 ຊົ່ວໂມງຫຼາຍຄັ້ງ ນອກຈາກນີ້ຍັງເກີດບັນຫາການຂາດແຄນອາຫານຢາ ແລະ ພະລັງງານສົ່ງຜົນໃຫ້ຄວາມບໍ່ພໍໃຈຂອງປະຊາຊົນເພີ່ມຂຶ້ນສູ່ຈຸດສູງສຸດ

ແຫຼ່ງຂໍ້ມູນ: