Homeຂ່າວຕ່າງປະເທດ5 ເຫດການສຳຄັນຄວາມຂັດແຍ່ງລະຫວ່າງຣັດເຊຍ-ຢູເຄຣນ

5 ເຫດການສຳຄັນຄວາມຂັດແຍ່ງລະຫວ່າງຣັດເຊຍ-ຢູເຄຣນ

Published on

1. ເຮືອບິນເຮລີຄອບແຕຂອງຢູເຄຣນຂ້າມຊາຍແດນໄປໂຈມຕີບ່ອນເກັບນ້ຳມັນໃນຣັດເຊຍ
ຣັດເຊຍກ່າວວ່າ ຍົນເຮລິຄອບແຕທະຫານຢູເຄຣນ 2 ລຳໄດ້ຂ້າມຊາຍແດນໄປໂຈມຕີສະຖານທີ່ຖັງນ້ຳມັນໃນເມືອງ Belgorod, ໃນປະເທດຣັດເຊຍ. ເຈົ້າໜ້າທີ່ບໍລິການສຸກເສີນເລັງຮັບມືກັບໄຟໄໝ້, ໂດຍມີປະຊາຊົນຢູ່ຕາມຖະໜົນ 3 ແຫ່ງໄດ້ຖືກຍົກຍ້າຍໄປຢູ່ບ່ອນປອດໄພ ຕາມກະຊວງສະຖານະການສຸກເສີນຣັດເຊຍແລ້ວ ແລະ ໃນນັ້ນຖັງນ້ຳມັນເຊື້ອໄຟ 8 ຖັງ, ບັນຈຸນ້ຳໜັກ 2,000 ແມັດກ້ອນໄດ້ຖືກໄຟໄໝ້.

2. ຄວາມຂັດແຍ່ງກ່ຽວກັບສະກຸນເງິນສໍາລັບການຊໍາລະອາຍແກັສຈາກຣັດເຊຍ
ທ່ານ Putin ກ່າວວ່າບັນດາປະເທດ “ບໍ່ເປັນມິດ”, ລວມທັງສະມາຊິກ EU ທັງຫມົດ, ຕ້ອງຕັ້ງບັນຊີ ruble ເພື່ອຈ່າຍຄ່າຂົນສົ່ງອາຍແກັສຕັ້ງແຕ່ເດືອນເມສາ. ແຕ່ນາຍົກລັດຖະມົນຕີເຢຍລະມັນທ່ານ Olaf Scholz ຢືນຢັນວ່າຈະສືບຕໍ່ຈ່າຍເງິນເປັນເງິນເອີໂຣຫຼືໂດລາສະຫະລັດ.

3. ຢູເຄຣນ ສົ່ງລົດເມໄປຮັບພົນລະເຮືອນໃນເມືອງ Mariupol.
ລັດຖະບານຂອງຢູເຄຣນສົ່ງລົດເມ 45 ຄັນເພື່ອອົບພະຍົບພົນລະເຮືອນອອກຈາກເມືອງ Mariupol ທີ່ຖືກປິດລ້ອມ. ຣັດເຊຍໄດ້ປະກາດການຢຸດຍິງໃນເມືອງດັ່ງກ່າວ ຫຼັງຈາກການເປັນຫ່ວງທົ່ວໂລກກ່ຽວກັບຄວາມທຸກທໍລະມານຂອງພົນລະເຮືອນທີ່ຖືກຕິດຢູ່ລະຫວ່າງຄວາມຂັດແຍງ 1 ເດືອນທີ່ຜ່ານມາ.

4. ຍີ່ປຸ່ນຂວ້ຳບາດບໍລິສັດແລະພົນລະເມືອງຣັດເຊຍກ່ຽວກັບການເຊື່ອມຕໍ່ກັບເກົາຫຼີເຫນືອ
ຍີ່ປຸ່ນໄດ້ວາງມາດຕະການຂວ້ຳບາດຕໍ່ບໍລິສັດຣັດເຊຍ 4 ແຫ່ງ ແລະ ພົນລະເມືອງຣັດເຊຍ 3 ຄົນ ທີ່ຖືກກ່າວຫາວ່າ ມີສ່ວນຮ່ວມໃນການຊ່ວຍເຫຼືອເກົາຫຼີເໜືອໃນການຈັດຊື້ເຄື່ອງປະກອບສຳລັບລະບົບລູກສອນໄຟ

5. ຫົວຂໍ້: ທ່ານ ປູຕິນ ອອກດຳລັດ ມອບທະຫານ 130,000 ຄົນ ເຂົ້າໃນກອງທັບລັດເຊຍ ໃນລະດູໃບໄມ້ປົ່ງ      ທ່ານ​ປະທານາທິບໍດີ​ຣັດ​ເຊຍ Vladimir Putin ​ໄດ້​ອອກ​ດຳລັດ​ທີ່​ລະບຸ​ວ່າ: ກອງທັບ​ຣັດ​ເຊຍ ​ຈະ​ບັນຈຸ​ທະຫານ​ໃໝ່ຫຼາຍ​ກວ່າ 130.000 ຄົນ. ໃນຣັດເຊຍ, ພົນລະເມືອງຜູ້ຊາຍທັງຫມົດອາຍຸ 18 ຫາ 27 ປີຕ້ອງໄດ້ລົງທະບຽນສໍາລັບການເປັນ ທະຫານຄັດເລືອກ ເປັນໄລຍະເວລາຫນຶ່ງປີ, ແລ້ວຫຼັງຈາກນັ້ນຈະ​ໄດ້ຍ້າຍໄປຢູ່ໃນສະຖານະພາບທະ​ຫານສຳຮອງ. ຣັດ​ເຊຍ​ໄດ້​ກ່າວ​ວ່າ ທະຫານຄັດເລືອກ ​ຈະ​ບໍ່​ຖືກ​ສົ່ງ​ໄປ​ຍັງ​ຢູ​ເຄຣນ.

ແຫຼ່ງຂໍ້ມູນ:

https://sputniknews.com/20220401/fire-hits-oil-depot-in-russias-belgorod-near-border-with-ukraine-governor-says-1094377942.html

https://tass.com/economy/1430513

https://www.channelnewsasia.com/world/convoy-buses-way-besieged-mariupol-ukraine-says-2598646

https://tass.com/economy/1430699

https://tass.com/defense/1271501

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...