ຜູ້ຊ່ຽວຊານເຊື່ອວ່າເສດຖະກິດຣັດເຊຍອາດຈະຫຼຸດຕົວລົງ 7-15% ໃນນີ້
ເອັດ ອາໂນດ ນັກຄົ້ນຄວ້ານັກສຶກສາກຸ່ມຂອງ Royal United Services Institute (RUSI) ຂອງສະຫະລາຊະອານາຈັກ ກ່າວກັບບີບີຊີວ່າ “ການປະຕິບັດການທະຫານທີ່ດຳເນີນໄປ ຈະຕ້ອງເສຍຄ່າໃຊ້ຈ່າຍຫຼາຍເມື່ອທະຫານ ຢູ່ໄກຈາກຖານທັບຫລັກ”
ມີຫຼັກຖານທີ່ບົງຊີ້ເຖິງບັນຫາຫຼາຍຢ່າງໃນເລື່ອງການສົ່ງກໍາລັງບໍາລຸງຂອງຣັດເຊຍໃນການໂຈມຕີກັບຢູເຄນ ມີຄວາມຊັດເຈນທີ່ສຸດ ຍານພາຫານະທາງການທະຫານຂອງຣັດເຊຍຈຳນວນຫຼາຍຈອດຖິ້ມໄວ້ໃນພຶ້ທີ່ເພາະເຄື່ອງຍົນຂັດຂ້ອງ
ອີງຕາມຂໍ້ມູນຂອງສູນຟື້ນຟູເສດຖະກິດ (Center for Economic Recovery) ເຊິ່ງເປັນກຸ່ມນັກເສດຖະສາດ ແລະ ທີ່ປຶກສາຂອງລັດຖະບານຢູເຄຣນ ລະບຸໄວ້ໃນຊ່ວງເວລາ 23 ມື້ ທີ່ຣັດເຊຍເຮັດສົງຄາມກັບຢູເຄນ ເຮັດໃຫ້ສູນເສຍເງິນຢ່າງນ້ອຍ 19,900 ລ້ານໂດລາສະຫະລັດ ສໍາລັບຄ່າໃຊ້ຈ່າຍໂດຍກົງດ້ານການທະຫານ ແລະ ສູນເສຍອາວຸດຍຸດໂທປະກອນ ຄິດເປັນມູນຄ່າ 9,000 ລ້ານໂດລາສະຫະລັດ.
ນອກຈາກນີ້ຍັງມີຄ່າໃຊ້ຈ່າຍໃນການຍິງລູກສອນໄຟ ແລະ ການສູນເສຍໂອກາດເຕີບໃຫຍ່ດ້ານຜົນຜະລິດພາຍໃນປະເທດ ຫຼື ຈີດີພີ ໃນຊ່ວງ 40 ປີຂ້າງໜ້າ ( ຄຳນວນໂດຍຍຶດພຶ້ນຖານການເສຍລາຍໄດ້ສ່ວນບຸກຄົນ)
ຢູເຄຣນອ້າງເມື່ອວັນທີ 19 ມີນາທີ່ຜ່ານມາວ່າ: ທະຫານຣັັດເຊຍເສຍຊີວິດໃນຄວາມຂັດແຍ່ງນີ້ແລ້ວຫຼາຍກວ່າ 14,400 ຄົນ.