spot_img
Homeຂ່າວຕ່າງປະເທດສີລັງກາເກີດການ​ປະ​ທ້ວງ​​ວິ​ກິດ​ການ​ເສດ​ຖະ​ກິດ​​ທີ່ຮຸນ​ແຮງ

ສີລັງກາເກີດການ​ປະ​ທ້ວງ​​ວິ​ກິດ​ການ​ເສດ​ຖະ​ກິດ​​ທີ່ຮຸນ​ແຮງ

Published on

ອີງຕາມການລາຍງານຂອງສໍານັກຂ່າວ ຣອຍເຕີ ໃນວັນທີ 1 ເມສາ ໃຫ້ຮູ້ວ່າ – ຕຳຫຼວດໄດ້ອອກຄຳສັ່ງຫ້າມຄົນອອກນອກເຮືອນຂ້າມຄືນໃນຫຼາຍພື້ນທີ່ຂອງໂຄລົມໂບເມືອງຫຼັກຂອງສີລັງກາໃນຕອນເຊົ້າວັນສຸກ ຫຼັງຈາກການປະທ້ວງກ່ຽວກັບການຈັດການກັບວິກິດການເສດຖະກິດທີ່ຮ້າຍແຮງທີ່ສຸດຂອງປະເທດໃນຮອບຫຼາຍທົດສະວັດຂອງສີລັງກາ

ເຈົ້າໜ້າທີ່ກ່າວວ່າ: ຜູ້ປະທ້ວງຫຼາຍຮ້ອຍຄົນໄດ້ເຕົ້າໂຮມກັນຢູ່ໃກ້ໆທີ່ພັກອາໄສສ່ວນຕົວຂອງປະທານາທິບໍດີ ໂກຕາບາຍາ ຣາຈາປັກຊາ (Gotabaya Rajapaksa) ໃນເຂດຊານເມືອງໂຄລົມໂບໃນຕອນຄໍ່າຂອງວັນພະຫັດ ແລະ ຖືກຕຳຫຼວດທຳຮ້າຍດ້ວຍແກັສນ້ຳຕາ ແລະ ປືນສີດນໍ້າ, ຜູ້ເຫັນເຫດການກ່າວ.

ຜູ້​ປະ​ທ້ວງ​ໃສ່​ໝວກ​ກັນ​ກະທົບ​ລົດຈັກບາງສ່ວນ ພວກເຂົາ​ໄດ້​ມ້າງ​ກຳ​ແພງ ​ແລະ ​ແກວ່ງ​ດິນ​ຈີ່​ໃສ່​ຕຳຫຼວດ, ກ່ອນ​ທີ່​ຈະ​ຈູດ​ລົດ​ເມ​ຢູ່​ຖະໜົນ​ທາງ​ໄປ​ເຮືອນ​ຢູ່​ຂອງໂກຕາບາຍາ, ຜູ້​ເຫັນ​ເຫດການກ່າວ.

ເກາະ​ທີ່​ມີ​ປະ​ຊາ​ກອນ 22 ລ້ານ​ຄົນ​ກໍາລັງ​ປະ​ສົບ​ກັບບັນຫາ​ໄຟ​ຟ້າດັບ​ເປັນ​ເວ​ລາ 13 ຊົ່ວ​ໂມງ​ຕໍ່​ມື້ ຍ້ອນ​ວ່າ​ລັດ​ຖະ​ບານ​ບໍ່​ມີ​ເງິນ​ຕາ​ຕ່າງ​ປະ​ເທດ​ພຽງ​ພໍ​ສຳ​ລັບ​ການ​ນຳ​ເຂົ້າ​ນ້ຳມັນ​ເຊື້ອ​ໄຟ.

ໂຄສົກກອງທຶນການເງິນສາກົນ (IMF) ຈະລິເລີ່ມການຫາລືກັນກັບທາງການສີລັງກາກ່ຽວກັບໂຄງການເງິນກູ້ທີ່ເປັນໄປໄດ້ໃນບໍ່ເທົ່າໃດມື້ຂ້າງໜ້ານີ້, ໂຄສົກຄົນນຶ່ງກ່າວ ໃນຂະນະທີ່ລັດຖະບານກໍາລັງຊອກຫາທາງອອກຈາກວິກິດການຄັ້ງນີ້.
ລັດ​ຖະ​ມົນ​ຕີ​ວ່າ​ການ​ກະ​ຊວງ​ພະ​ລັງ​ງານ ທ່ານ ພາວິທຣາ ວານເນຍຣາຊີ (Pavithra Wanniarachchi) ກ່າວ​ຕໍ່ນັກ​ຂ່າວ​ວ່າ, ລັດ​ຖະ​ບານ​ກໍາລັງ​ປິດ​ໄຟ​ຕາມ​ຖະ​ຫນົນ​ເພື່ອ​ປະ​ຢັດ​ໄຟ​ຟ້າ​ ເນື່ອງຈາກການຂາດແຄນນໍ້າມັນກາຊວນຢ່າງຕໍ່ເນື່ອງເຮັດ​ໃຫ້​​ໄຟ​ຟ້າດັບ​ຫຼາຍຂື້ນ ​ແລະ ​ຢຸດ​ເຊົາ​ການ​ຊື້​ຂາຍ​ໃນ​ຕະ​ຫຼາດ​ຫຼັກ​ຊັບ​.

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...