spot_img
Homeຂ່າວຕ່າງປະເທດບຣູດ ວິລລິສ ປະກາດອຳລາວົງການນັກສະແດງ

ບຣູດ ວິລລິສ ປະກາດອຳລາວົງການນັກສະແດງ

Published on

ບຣູດ ວິລລິສ ດາລາຮໍລີວູດ ກຽມອຳລາວົງການນັກສະແດງແລ້ວ ຫລັງຈາກມີການກວດພົບວ່າ: ກໍາລັງປ່ວຍ ພາວະເສຍການສື່ສານເຊິ່ງໄດ້ຮັບຜົນກະທົບຕໍ່ການເວົ້າ ແລະ ການຂຽນຂອງເຂົາ.

ສຳນັກຂ່າວສານ ບີບີຊີ ລາຍງານວ່າ: ຄອບຄົວຄອບຄົວຂອງ ບຣູດ ວິລລິສ ນັກສະແດງຮຸ່ນໃຫຍ່ຂອງຮໍລິວູດ ອາຍຸ 67 ປີ ລວມເຖິງ ເອັມມາ ເຮມິ່ງ-ວິລລິສ ພັນລະຍາ ແລະ ເດມີ ມົວ ອາດີດພັນລະຍາ ຮ່ວມຖະແຫຼງການຮ່ວມຜ່ານອິນສະຕາແກຣມຂອງພຸດທີ່ 30 ມີ.ຄ. 2565 ເປີດເຜີຍເລື່ອງ ທີ່ບຣູດ ວິລລິສ ກຳລັງປ່ວຍເປັນໂລກ ‘ອະເຟເຊຍ’ (Aphasia) ຫຼື ພາວະເສຍການສື່ຄວາມ ແລະ ເລື່ອງທີ່ເຂົາຈະເລີກອາຊີບນັກສະແດງ.

ຖະແຫຼງການຍັງລະບຸອີກວ່າ ອາເຟເຊຍກຳລັງສົ່ງຜົນກະທົບຕໍ່ຄວາມສາມາດໃນການຮັບຮູ້ຂອງເຂົາ ແລະ ດ້ວຍການພິຈາລະນາຫຼາຍຢ່າງ ບຣູດກຳລັງຈະອອອກຈາກວົງການນັກສະແດງ ແລະ ກໍຂອບໃຈຢ່າງຍ່າງຍິ່ງໃນຄວາມຮັກ, ຄວາມເຫັນໃຈ ແລະ ການສະໜັບສະໜຸນມາຈົນຮອດຕອນນີ້.

ອີງ​ຕາມ​ການ​ບໍ​ລິ​ການ​ດ້ານ​ສຸ​ຂະ​ພາບ (NHS) ຂອງ​ສະ​ຫະ​ຣາຊະ​ອາ​ນາ​ຈັກ​ ພາ​ວະ​ການສູນເສຍການ​ສື່​ສານ​ ມັກ​ມີ​ສາເຫດ​ມາ​ຈາກຄສາມເສຍຫາຍໃນສະໝອງຊີ​ກ​ຊ້າຍ​ ເຮັດ​ໃຫ້​ຄິດພາສາ ຫຼື ຄຳເວົ້າຫຍຸ້ງ​ຍາກ​ກະທົບຕໍ່ການ​ອ່ານ, ຟັງ, ເວົ້າ, ພິມ ​ຫຼື ຂຽນຂອງຜູ້ປ່ວຍ ໂດຍອາການທີ່ພົບຫຼາຍທີ່ສຸດ ແມ່ນບັນຫາທາງການເວົ້າການປະສົມຄຳບໍ່ຖືກຕ້ອງ.

ທັງນີ້ ບູຣດ ວິລລີສ ເລີ່ມຕົ້ນອາຊີບນັກສະແດງອາຊີບໃນຕົ້ນປີ 1980 ແຕ່ຍັງບໍ່ເປັນທີ່ຮູ້ຈັກຫຼາຍ ຈົນ 10 ປີໃຫ້ຫຼັງທີ່ໄດ້ຮັບບົດເປັນ ‘ໄຊບີນເຊເພີດ’ ໃນຊີຣີ້ ‘Moonlighting’ ຂອງຊ່ອງ ABC TV ແລະ ໂດ່ງດັງສຸດຊີດ ຈາກເລື່ອງ ‘ຈອນ ແມກເຕນ’ ໃນຮູບເງົາເລື່ອງ ‘Die Hard’ ຫຼື ‘ຄົນອຶດຕາຍຍາກ’ ພາກທຳອິດໃນປີ 1988.

ແຕ່ນັ້ນມາ ຮູບເງົາເລື່ອງຕ່າງໆ ທີ່ບຣູສວິລລິສ ສະແດງກໍສາມາດສ້າງລາຍໄດ້ທົ່ວໂລກຫຼາຍກວ່າ 5 ພັນລ້ານໂດລາ, ບຣູດເຄີຍໄດ້ຮັບການສະເໜີຊື່ເຂົ້າຊິງລາງວັນໂລກທອງຄຳ 5 ຄັ້ງ ໂດຍຊະນະ 1 ຄັ້ງຈາກບົດບາດໃນຊີຣີ້ Moonlighting ແລະ ຄວ້າລາງວັນ ເອັມມີວອດ 2 ຄັ້ງ ຈາກການສະເໜີຊື່ 3 ຄັ້ງ.

ບົດຄວາມຫຼ້າສຸດ

ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025

ໄຂກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ຢ່າງເປັນທາງການ. ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ໄຂຂຶ້ນໃນວັນທີ29 ພຶດສະພາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານຂອງ ທ່ານ...

ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ

ພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ. ສະຫະພັນບານເຕະແຫ່ງຊາດລາວຮ່ວມກັບສະຫະພັນບານເຕະນານາຊາດ(FIFA), ອຳນາດການປົກຄອງນະຄອນຫຼວງວຽງຈັນ,ເມືອງໄຊເສດຖາ ແລະ ບ້ານນາຄວາຍໃຕ້ ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA(FIFA Arena Project) ແຫ່ງທຳອິດຂອງ...

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່ ເພື່ອເສີມສ້າງລະບົບການຂົນສົ່ງໃນພາກພື້ນ, ສົ່ງເສີມການຮ່ວມມືທາງເສດຖະກິດ, ແລະ ເຊື່ອມຕໍ່ອາຊີຕາເວັນອອກສຽງໃຕ້ ເຂົ້າກັບເສັ້ນທາງການຄ້າໂລກ. ອີງຕາມການລາຍງານຂອງເວັບໄຊຕ໌ຂ່າວການຂົນສົ່ງທາງລົດໄຟ Railway Supply. ໃນວັນທີ 25 ພຶດສະພາ, ບໍລິສັດ Penang Port Sdn Bhd ແລະ...

ນາຍົກລັດຖະມົນຕີ ແຫ່ງ ສປປ ລາວ ພ້ອມດ້ວຍພັນລະຍາ ແລະ ຄະນະ ໄດ້ເດີນທາງຢ້ຽມຢາມ ມາເລເຊຍ ຢ່າງເປັນທາງການ

ລາວ-ມາເລເຊຍ ຮັດແໜ້ນສາຍພົວພັນ ແລະ ການຮ່ວມມືສອງຝ່າຍ ໂດຍຕອບສະໜອງຕາມການເຊື້ອເຊີນຂອງ ພະນະທ່ານ ອັນວາ ອິບຣາຮິມ, ນາຍົກລັດຖະມົນຕີ ແຫ່ງ ມາເລເຊຍ, ພະນະທ່ານ ສອນໄຊ ສີພັນດອນ, ນາຍົກລັດຖະມົນຕີ...