ອີງຕາມການລາຍງານຂອງ ສໍານັກຂ່າວຊິນຮົວ (Xinhua) ໃນວັນທີ 28 ມີນາ 2022 ລາຍງານວ່າ: ຊຽງໄຮ້ເຊິ່ງເປັນສູນກາງທາງເສດຖະກິດຂອງຈີນຈະເຂົ້າສູ່ສະພາບລັອກດາວນັບແຕ່ເວລາ 05:00 ໂມງ ຂອງວັນທີ 28 ມີນາ 2022 ໂດຍເລີ່ມຈາກເບື້ອງຕາເວັນ ອອກເປັນເວລາ 4 ວັນ ນັບແຕ່ວັນທີ 28 ມີນາ – 1 ເມສາ ໂດຍໃຫ້ຊາວເມືອງທີ່ຢູ່ໃນສ່ວນດັ່ງກ່າວເຂົ້າຮັບການ
ກວດຫາເຊື້ອໂຄວິດ-19.
ໂດຍຊາວເມືອງຈະບໍ່ສາມາດອອກຈາກເຮືອນໄດ້, ຂະນະທີ່ບໍລິການຂົນສົ່ງສາທາລະນະ ແລະ ແອບພລິເຄຊັນໃຫ້ລົດ ມາຮັບຈະຢຸດໃຫ້ບໍລິການຊົ່ວຄາວ ລວມທັງຫ້າມເອົາລົດສ່ວນຕົວອອກມາແລ່ນຕາມຖະຫນົນຍົກເວັ້ນໃນກໍລະນີ ທີ່ຈໍາເປັນ.
ຈາກນັ້ນໃນເວລາ 03:00 ໂມງ ຂອງວັນທີ 1-5 ເມສາ ຈະລັອກດາວເບື້ອງຕາເວັນຕົກທີ່ເຫຼືອ ໂດຍຫວັງຈະຢຸດ ການລະບາດຂອງເຊື້ອໄວຣັສ ແລະ ຕັ້ງເປົ້າເຮັດໃຫ້ເຊື້ອໂຄວິດ-19 ກາຍເປັນສູນໂດຍໄວທີ່ສຸດ.
ການປະກາດລັອກດາວຄັ້ງນີ້ເກີດຂຶ້ນຫລັງຈາກມີລາຍງານຜູ້ຕິດເຊື້ອໃນເມືອງ 2.676 ຄົນ ໃນວັນທີ 26 ມີນາ ຜ່ານມາ ເຮັດໃຫ້ຊຽງໄຮ້ກາຍເປັນຈຸດທີ່ມີຜູ້ຕິດເຊື້ອສູງທີ່ສຸດໃນປະເທດ. ເຖິງວ່າລັດຖະບານທ້ອງຖິ່ນຈະຢືນຢັນວ່າ: ໄດ້ກຽມເຄື່ອງຂອງຈໍາເປັນ ລວມທັງອາຫານການກິນໃນຊ່ວງລັອກດາວ, ແຕ່ຍັງມີຊາວເມືອງຈໍານວນຫນຶ່ງເລັ່ງໄປຊື້ສິນຄ້າຈາກຮ້ານຄ້າມາຕຸນໄວ້ກ່ອນທີ່ການລັອກດາວຈະເລີ່ມຕົ້ນ