ມັນໄດ້ກາຍເປັນເລື່ອງລາວທີ່ໄດ້ເຜີຍແຜ່ໄປທົ່ວໂລກໃນປັດຈຸບັນແລ້ວສຳລັບພິທີມອບລາງວັນ OSCARS 2022, ປີນີ້ຊຸບເປີສະຕາ Will Smith ໄດ້ຊະນະລາງວັນ Oscar ທຳອິດຂອງລາວສຳລັບນັກສະແດງດີເດັ່ນໃນຮູບເງົາ King Richard.
ແຕ່ທັນໃດນັ້ນກໍມີເຫດການບໍ່ຄາດຄິດເກີດຂຶ້ນເມື່ອ Chris Rock ພິທີກອນໃນງານດັ່ງກ່າວໄດ້ເວົ້າຢູ່ເທິງເວທີ ໂດຍມີຖ້ອຍຄຳບໍ່ໃຫ້ກຽດ Jada Pinkett Smith ພັນລະຍາຂອງ Will Smith ເຮັດໃຫ້ Will ບໍ່ພໍໃຈຫຼາຍ ແລະ ໄດ້ຍ່າງຂຶ້ນເທິງເວທີເພື່ອຕົບໜ້າ Chris ເຊິ່ງສ້າງຄວາມຕື່ນຕົກໃຈໃຫ້ຜູ້ເຂົ້າຮ່ວມງານທັງໝົດ ເພາະວ່າ Will Smith ບໍ່ພໍໃຈພິທີກອນປາກແຊບຄົນນີ້ທີ່ນຳເອົາພັນລະຍາຂອງເຂົາມາເວົ້າແບບມ່ວນຫົວ ເຊິ່ງພັນລະຍາຂອງເຂົາກໍບໍ່ສະບາຍ ເຮັດໃຫ້ຕ້ອງໂກນຜົມ ເນື່ອງຈາກມີບັນຫາຜົມຫຼົ່ນ.
ທັງນີ້ Will Smith ກ່າວດ້ວຍນ້ຳຕາຢູ່ເທິງເວທີ OSCARS ຫຼັງຈາກໄດ້ຮັບລາງວັນວ່າ: “ຂ້ອຍຕ້ອງການຂໍໂທດກັບ Academy ແລະ ຂ້ອຍຢາກຈະຂໍໂທດໝູ່ທີ່ໄດ້ຮັບການສະເໜີຊື່ທັງໝົດຂອງຂ້ອຍ. ນີ້ແມ່ນຊ່ວງເວລາທີ່ສວຍງາມ ແລະ ຂ້ອຍບໍ່ໄດ້ຮ້ອງໄຫ້ກ່ຽວກັບການໄດ້ຮັບລາງວັນ!
https://www.youtube.com/watch?v=DsuimiS6NU0&t=13s