ອີງຕາມການລາຍງານຂອງສຳນັກຂ່າວ The Business Time ລາຍງານກ່ຽວກັບການຈັດອັນດັບດັດຊະນີສູນກາງທາງການເງິນຂອງໂລກ (GFCL) ທີ່ຈັດຂຶ້ນໂດຍ Z/Yen Group ບໍລິສັດທີ່ປຶກສາດ້ານການຄ້າໃນກຸງລອນດອນ ຮ່ວມກັບສະຖາບັນການພັດທະນາຂອງຈີນ ຄັ້ງທີ 31, ໃນວັນທີ 24 ມີນາ ປະກົດວ່າ ນະຄອນຫຼວງນິວຢອກຂອງຂອງສະຫະລັດຄອງຕໍາແໜ່ງສູງສຸດເປັນສູນກາງທາງການເງິນຂອງໂລກດ້ວຍຄະແນນ 759 ຫຼຸດລົງຈາກ 6 ເດືອນກ່ອນ. ແຕ່ຍັງເໜືອກວ່າກຸງລອນດອນຂອງອັງກິດທີ່ຢູ່ໃນອັນດັບ 2 ດ້ວຍຄະແນນ 726 ຄະແນນ ເຊິ່ງຫຼຸດລົງຈາກ 6 ເດືອນກ່ອນເຊັ່ນກັນ.ໃນຂະນະທີ່ ຮົງກົງ ຊຽງໄຮ ແລະ ລອສແອນເຈີລິສ ຢູ່ໃນອັນດັບທີ 3-5 ດ້ວຍຄະແນນຫຼຸດລື່ນກັນພຽງແຕ່ 1 ຄະແນນ.

ກຸງລອນດອນເປັນສູນກາງຂອງເອີຣົບພຽງແຫ່ງດຽວໃນ 10 ອັນດັບທໍາອິດ ຫຼັງຈາກທີ່ຈີນເຂົ້າມາແທນທີ່ກຸງປາຣິໃນອັນດັບທີ 10. ສ່ວນປະເທດສິງກະໂປຫຼົ່ນຈາກອັນດັບ 4 ຕັ້ງແຕ່ 6 ເດືອນກ່ອນມາຢູ່ໃນອັນດັບທີ 6. ໃນຂະນະທີ່ GFCI ກ່າວວ່າ ການໂຈມຕີຢູເຄຣນຂອງຣັດເຊຍຈະສົ່ງຜົນຕໍ່ການຈັດອັນດັບຂອງນະຄອນຫຼວງມົສກູ ແລະ ເຊນຕປິເຕຣສເບີຣກຂອງຣັດເຊຍໃນອະນາຄົດ ເຊິ່ງມີແນວໂນ້ມວ່າຈະຫຼຸດລົງຫຼັງຈາກຢູ່ທີ່ອັນດັບທີ 50 ແລະ 110 ໃນຄັ້ງນີ້. ການຈັດອັນດັບດັ່ງກ່າວ ມາຈາກການສໍາຫຼວດ ແລະ ປະເມີນປັດໃຈ 150 ປະການ ຈາກຂໍ້ມູນຂອງອົງກອນຊັ້ນນໍາກໍ່ຄື ອົງການສະຫະປະຊາຊາດ ອະນາຄົດໂລກເປັນຕົ້ນ.