ກຸ່ມຕາ​ລີ​ບັນ​ສັ່ງ​ຫ້າມ​ນັກ​ຮຽນ​ຍິງ​ບໍ່​ໃຫ້​ກັບ​ຄືນ​ໄປ​ໂຮງຮຽນ​

0
1094

ໃນວັນ​ທີ 23 ມີນາ​ນີ້ AFP ລາຍ​ງານ​ວ່າ: ເກີດກະແສຄວາມ​ຢ້ານ​ກົວໄດ້​ເກີດ​ຂຶ້ນ​ໃນ​ສັງຄົມ​ອັຟກາ​ນິສຖານ ຫຼັງຈາກ​ກຸ່ມກໍ່ການຮ້າຍຕາ​ລີ​ບັນ​ໄດທີ່ຍຶດຄອງ​ອັຟກາ​ນິສຖານຢູ່ຕອນນີ້ ສັ່ງປິດໂຮງຮຽນມັດທະຍົມຂອງເດັກຍິງທັງໝົດໃນເມືອງ Sarcona ແລະ ເມືອງ Kabul ຫຼັງຈາກໄດ້ຮັບອະນຸຍາດໃຫ້ເປີດພຽງແຕ່ບໍ່ເທົ່າໃດຊົ່ວໂມງ, ມີພຽງແຕ່​ນັກຮຽນ​ຊາຍ ​ແລະ ຄູ​ສອນ​ຊາຍ​ທີ່ສາມາດກັບ​ຄືນ​ໄປ​ໂຮງຮຽນໄດ້.

ດ້ວຍເຫດນີ້ ນັກຮຽນຍິງຫຼາຍຄົນກໍ່ຕົກໃຈ ແລະ ຮ້ອງໄຫ້ຍ້ອນຢ້ານວ່າເຂົາເຈົ້າຈະບໍ່ໄດ້ຮຽນຕໍ່ ເຊິ່ງ​ຂັດ​ກັບ​ຄຳ​ໝັ້ນ​ສັນຍາ​ຂອງ​ກຸ່ມ​ຕາ​ລີ​ບັນ​ໃນ​ເມື່ອ​ກ່ອນ​ທີ່ວ່າ​ຈະ​ອະນຸຍາດ​ໃຫ້​ມີ​ແມ່ຍິງການ​ສຶກສາ​.

ໃນຂະນະ ທ່ານ ອາຊີສ ອາເມັດ (Aziz Ahmed) ໂຄສົກຂອງກະຊວງສຶກສາທິການຂອງຕາລິບັນ ລາຍງານວ່າ: ເຫດຜົນສໍາລັບການນີ້ບໍ່ສາມາດເປີດເຜີຍໄດ້ ເຮັດໃຫ້ຜູ້ຕາງຫນ້າຂອງສະຫະປະຊາຊາດ ທ່ານນາງ ເດໂບລາ ລີຍົົງ (Deborah Lyons) ໄດ້ທະວິດຂໍ້ຄວາມວ່າມີຄວາມໜ້າກັງວົນຫຼາຍ.