ອີງຕາມການລາຍງານສຳນັກ​ຂ່າວ The Hill ​ໄດ້​ລາຍ​ງານ​ວ່າ: ວັນ​ທີ 16 ມີນາ 2022 ປະທານາທິບໍດີ ໂຈ ໄບເດັນ ປະກາດ​ອະນຸມັດ​ສົ່ງເງິນຊ່ວຍ​ເຫຼືອ​ໃຫ້​ຢູເຄຣນ 1 ຕື້​ໂດ​ລາ​ສະຫະລັດ​ເພື່ອ​ໃຫ້ການ​ຊ່ວຍ​ເຫຼືອ​ທາງ​ທະຫານ ແລະ ອົບພະຍົບຜູ້ລີ້ໄພອອກຈາກຢູເຄຣນ. ເງິນດັ່ງກ່າວໄດ້ມາພາຍຫຼັງຝ່າຍບໍລິຫານຍັງໄດ້ໃຫ້ຄຳໝັ້ນສັນຍາວ່າຈະສົ່ງເງິນຊ່ວຍເຫຼືອ 6 ຕື້ບາດ ໃຫ້ແກ່ຊາວອົບພະຍົບຢູເຄຣນ ຂະນະ​ທີ່​ມີ​ຜູ້​ອົບ​ພະຍົບ 3 ລ້ານ​ກວ່າ​ຄົນ​ໄດ້​ໜີ​ອອກ​ນອກຈາກ​ປະ​ເທດ.

ການ​ຊ່ວຍ​ເຫຼືອ ຢູເຄຣນ​ ທ່າມກາງການໂຈມຕີຂອງຣັດເຊຍ ງົບປະມານສ່ວນໃຫຍ່ຈະນຳໃຊ້ເຂົ້າໃນການສະໜອງການຊ່ວຍເຫຼືອດ້ານມະນຸດສະທຳເຊັ່ນ: ອາຫານ, ຢາປົວພະຍາດ ແລະ ທີ່ພັກອາໄສ, ຖັດມາແມ່ນການຊ່ວຍເຫຼືອດ້ານອຸປະກອນການທະຫານ ແລະ ​ການ​ສົ່ງ​ກຳລັງທະຫານ​ສະຫະລັດ ໃນ​ປະ​ເທດ​ຢູເຄຣນ

ໂດຍໃນຊ່ວງປີທີ່ຜ່ານມາ ​ອາ​ເມ​ລິ​ກາ​ໄດ້​ໃຫ້ການ​ຊ່ວຍ​ເຫຼືອ​ດ້ານ​ການ​ທະຫານ 1,2 ຕື້​ໂດ​ລາ​ສະຫະລັດ​ໃຫ້​ແກ່​ຢູເຄຣນ ແລະ​ ມີ​ການ​ຊ່ວຍ​ເຫຼືອດ້ານ​ມະນຸດສະທຳເຊັ່ນ: ນ້ຳ, ຢາ​ປົວ​ພະຍາດ ​ແລະ ສະບຽງ​ອາຫານ ​ໄດ້​ຖືກ​ສົ່ງ​ໄປ​ຍັງ​ຢູເຄຣນ​​ຫຼາຍ​ກວ່າ 1 ໝື່ນ​ໂຕນ​ຕໍ່​ມື້.