spot_img
Homeຂ່າວພາຍ​ໃນຫໍໄຕປີດົກ ວັດສີມຸງຄຸນ ຈະເປັນມໍລະດົກແຫ່ງຊາດລະດັບທ້ອງຖິ່ນ ໃນຕົ້ນເດືອນໜ້າ!

ຫໍໄຕປີດົກ ວັດສີມຸງຄຸນ ຈະເປັນມໍລະດົກແຫ່ງຊາດລະດັບທ້ອງຖິ່ນ ໃນຕົ້ນເດືອນໜ້າ!

Published on

ຫໍໄຕປີດົກ ວັດສີມຸງຄຸນ (ວັດກາງ) ທີ່ຕັ້ງຢູ່ບ້ານວັດກາງ, ເມືອງສາລະວັນ, ແຂວງສາລະວັນ ຈະໄດ້ຮັບການປະກາດເປັນມໍລະດົກແຫ່ງຊາດລະດັບທ້ອງຖິ່ນ ພາຍໃນຕົ້ນເດືອນເມສາ 2022 ເຊີ່ງອົງການປົກຄອງແຂວງຈະຈັດໃຫ້ມີຫລາຍກິດຈະກໍາສໍາຄັນທີ່ຕິດພັນກັບການສົ່ງ ເສີມການທ່ອງທ່ຽວ ໂດຍສະເພາະລາວທ່ຽວລາວ.

ທ່ານ ສົມໃຈ ອຸ່ນຈິດ, ຮອງເຈົ້າແຂວງ, ຜູ້ຊີ້ນໍາວຽກງານວັດທະນະທໍາ-ສັງຄົມ ແຂວງສາລະວັນ ໃຫ້ສໍາພາດວ່າ: ຫໍໄຕປີດົກຂອງແຂວງສາລະວັນ ສ້າງຂຶ້ນມາໄດ້ 238 ປີແລ້ວ (ສ້າງຂຶ້ນໃນປີ 1784) ຖືເປັນມໍລະດົກມິ່ງເມືອງທີ່ຊົງຄຸນຄ່າຂອງ ແຂວງສາ ລະວັນ ເຊີ່ງຖືກຝູງບິນ T28 ຂອງຈັກກະພັດອາເມລິກາຍິງທໍາລາຍໃນຊຸມປີ 1970 ເຮັດໃຫ້ໄດ້ຮັບຄວາມເສຍຫາຍໜັກສົມຄວນ ຈາກນັ້ນໃນປີ 2009 ອົງການປົກຄອງແຂວງໄດ້ຕົກລົງໃນການກໍ່ສ້າງ ແລະ ປະຕິສັງຂອນຫໍໄຕປີດົກຄືນໃໝ່ ເປັນຕົ້ນ: ການກໍ່ສ້າງກົມມະລຽນອ້ອມຂ້າງຫໍໄຕ, ກໍ່ສ້າງຫໍປະດິດສະຖານເສົາຫໍໄຕຫລັງເກົ່າທີ່ຫລົງເຫລືອຈາກການທໍາລາຍຂອງເຮືອບິນເຊີ່ງຫໍໄຕຫລັງເກົ່າທີ່ມີອາຍຸ 200 ກວ່າປີ ຍັງເຫລືອ 29 ຕົ້ນ ແລະ ອື່ນໆ ເຊີ່ງມາຮອດປັດຈຸບັນໄດ້ສໍາເລັດຮຽບຮ້ອຍແລ້ວ. ຂະນະທີ່ອົງການປົກຄອງແຂວງພວມສົມທົບກັບກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວ ກະກຽມຈັດພິທີປະກາດຮັບຮອງເອົາຫໍໄຕປີດົກ ວັດສີມຸງຄຸນ ເປັນ ມໍລະດົກແຫ່ງຊາດທາງດ້ານວັດທະນະທໍາລະດັບທ້ອງຖິ່ນ ໂດຍຄາດວ່າຈະຈັດຂຶ້ນໃນລະຫວ່າງວັນທີ 5-9 ເມສາ 2022.

ທ່ານຮອງເຈົ້າແຂວງ ໃຫ້ຮູ້ຕື່ມວ່າ: ສໍາລັບກິດຈະກໍາທີ່ຈະຈັດຂຶ້ນໃນໂອກາດປະ ກາດຮັບຮອງເອົາຫໍໄຕປີດົກ ວັດສີມຸງຄຸນ ເປັນມໍລະດົກແຫ່ງຊາດລະດັບທ້ອງຖິ່ນໃນຄັ້ງນີ້ ມີຫລາຍຢ່າງ ເປັນຕົ້ນ: ງານວາງສະແດງສິນຄ້າຂອງປະຊາ ຊົນພາຍໃນແຂວງ, ການປະກວດນັກຮຽນ-ໝໍລໍາ, ການແຫ້ພະໄຕປີດົກ-ໜັງສືຜູກໃບລານ, ແຫ່ຫໍຜາສາດເຜີ້ງ ແລະ ອື່ນໆ ເພື່ອສ້າງຄວາມເບີກບານມ່ວນຊື່ນ ກໍຄື ດຶງດູດນັກທ່ອງທ່ຽວເຂົ້າໄປທ່ອງທ່ຽວ ແຂວງສາລະວັນ ໃຫ້ຫລາຍຂຶ້ນກວ່າເກົ່າ ແລະ ເປັນການປະກອບສ່ວນສໍາຄັນເຮັດໃຫ້ຫໍໄຕແຫ່ງນີ້ກາຍເປັນຄັງຄວາມຮູ້ທາງດ້ານພຸດທະສາສະໜາ ແລະ ເປັນສະຖານສະສົມ ຫລື ເກັບຮັກສາໄວພະໄຕປີດົກ-ໜັງສືຜູກໃບລານຄົງຢູ່ຄູ່ກັບຊາວພຸດທະສາສະໜາຕະຫລອດໄປ.

ແຫຼ່ງຂ່າວ: Lao National Radio

ບົດຄວາມຫຼ້າສຸດ

ເຈົ້າໜ້າທີ່ພົບລົດຂົນສົ່ງສິນຄ້າ-ລົດໂດຍສານ ຕາມສາຍທາງ13 ໃຕ້ ລະເມີດລະບຽບຈະລາຈອນກວ່າ 50 ຄັນ

ເຈົ້າໜ້າທີ່ພົບລົດຂົນສົ່ງສິນຄ້າ-ລົດໂດຍສານ ຕາມສາຍທາງ13 ໃຕ້ ລະເມີດລະບຽບຈະລາຈອນກວ່າ 50 ຄັນ ປັບໄໝໄດ້ 100 ລ້ານກີບ. ຕາມການໃຫ້ສຳພາດຂອງ ທ່ານ ຄອນສະຫວັນ ຄຳນວນ ວິຈິດ ຫົວໜ້າຂະແໜງຂົນສົ່ງ...

ຊົມເຊີຍເຈົ້າໜ້າທີ່ຍຶດ ຢາສູບຊອງ ແລະ ຢາສູບໄຟຟ້າລອກແບບຈຳນວນຫຼາຍ

ເຈົ້າໜ້າທີ່ຍຶດຢາສູບ-ຢາສູບໄຟຟ້າ ທີ່ລັກລອບເຂົ້າມາຈາກຕ່າງປະເທດເພື່ອຈຳໜ່າຍພາຍໃນ ພ້ອມທັງໄດ້ດຳເນີນມາດຕະການ ຕາມກົດໝາຍ. ໃນປີ 2024 ຜ່ານມາ, ເຈົ້າໜ້າທີ່ການຄ້າ ໃນຂອບເຂດທົ່ວປະເທດ ໄດ້ເຄື່ອນໄຫວ ຕິດຕາມ, ກວດກາຕາມຮ້ານຄ້າ, ມິນິມາກ, ຊຸບເປີ້ມາເກັດ, ສາງເກັບມ້ຽນສິນຄ້າ...

ເຮືອບິນຂອງສາຍການບິນ American Airlines ຕຳກັບເຮລິຄອບເຕີ ກາງອາກາດ

ເຮືອບິນຂອງສາຍການບິນ American Airlines ຕຳກັບເຮລິຄອບເຕີ ກາງອາກາດ ກ່ອນຕົກລົງແມ່ນ້ຳໃນນະຄອນ ວໍຊິງຕັນ ດີຊີ ເຈົ້າໜ້າທີ່ໜ່ວຍກູ້ໄພສຸກເສີນເລັ່ງຄົ້ນຫາໂດຍໃຊ້ໂດຣນບິນບໍລິເວນຈຸດເກີດເຫດ. ອີງຕາມສຳນັກຂ່າວ BCC ລາຍງານໃນວັນທີ 21:00 ໂມງຂອງວັນທີ 28...

F-35 ກອງທັບອາກາດສະຫະລັດ ເກີດເຫດຕົກໃນອາລາສກາ ໂຊກດີນັກບິນດີດຕົວອອກໄດ້ທັນ

F-35 ກອງທັບອາກາດສະຫະລັດ ເກີດເຫດຕົກໃນອາລາສກາ ໂຊກດີທີ່ນັກບິນສາມາດດີດຕົວອອກໄດ້ທັນປອດໄພ. ສຳນັກຂ່າວຕ່່ງປະເທດລາຍງານໃນວັນທີ 29 ມັງກອນ 2025 ຜ່ານມາ, ທ່ານ ພົນເອກ ພອລ ທາວເຊັນ ຜູ້ບັນຊາການກອງບິນຂັບໄລ່ທີ່ 354...