ອຸບັດເຫດຕາມທ້ອງຖະໜົນຢູ່ໃນປະເທດລາວ ຍັງຄົງເພີ່ມຂຶ້ນຫຼາຍຍ້ອນການຂັບຂີ່ດ້ວຍຄວາມປະໝາດ ແລະ ຝ່າຝືນກົດລະບຽບທີ່ເຈົ້າໜ້າທີ່ວາງອອກ. ຊຶ່ງອຸບັດເຫດ ທີ່ເກີດຂຶ້ນສ່ວນໃຫຍ່ເປັນຍ້ອນການລະເມີດກົດລະບຽບການສັນຈອນຂອງຜູ້ຂັບຂີ່ ທີ່ເປັນບັດໄຈພາໃຫ້ເກີດອຸບັດເຫດ ແລະ ເຮັດໃຫ້ມີທັງເສຍຊີວິດ ແລະ ເສຍຫາຍທາງດ້ານຊັບສິນ.
ອີງຕາມການລາຍງານຂອງກົມຕໍ່າຫຼວດຈະລາຈອນ ກະຊວງປ້ອງກັນຄວາມສະຫງົບ ໄດ້ລາຍງານວ່າ: ສະເພາະເດືອນກຸມພາ 2022 ຜ່ານມານີ້ ມີຜູ້ເສຍຊີວິດເຖິງ 108 ຄົນ, ບາດເຈັບ 1.071 ຄົນ ແລະ ມີພາຫະນະເປ່ເພ 1. 237 ຄັນ ຈາກອຸບັດເຫດເກີດຂຶ້ນທັງຫມົດ 649 ກໍລະນີ ໃນທົ່ວປະເທດ ແຕ່ເມື່ອທຽບກັບຜູ້ເສຍຊີວິດໃນເດືອນມັງກອນ ທີ່ຜ່ານມາ ແມ່ນຫຼຸດລົງ 1 ຄົນ ຊຶ່ງມີຜູ້ເສຍ ຊີວິດ 109 ຄົນ.
ໃນນັ້ນ, ສາເຫດການເກີດອຸບັດເຫດສ່ວນໃຫຍ່ ເເມ່ກການລະເມີດກົດລະບຽບການສັນຈອນຂອງຜູ້ຂັບຂີ່ ໂດຍສະເພາະ ຂັບຂີ່ໄວເກີນກໍານົດ, ແຊງຊ້າຍ-ຂວາບໍ່ຮັບປະກັນ ແລະ ອື່ນໆ, ຮ້າຍແຮງກ່ວານັ້ນ ຜູ້ຂັບຂີ່ຍັງດື່ມສິ່ງມຶນເມົາ ເປັນສາເຫດຂອງການເກີດອຸບັດເຫດຕາມທ້ອງຖະຫນົນ, ໃນນັ້ນ ອຸບັດເຫດສ່ວນຫຼາຍແມ່ນເກີດນັບ ccຕ່ເວລາ 18:00-24:00 ໃນ ກຸ່ມອາໃບ ກໍາມະກອນ ແລະ ກຸ່ມນັກຮຽນ ນັກສຶກສາ.
ຂໍ້ມູນ: ກົມຕໍ່າຫຼວດຈະລາຈອນ ຮູບ: ຫນ່ວຍກູ້ໄພ