ຄາດວ່າລາວຈະເຂົ້າຮັບຕໍາແໜ່ງຜູ້ບໍລິຫານທ່າເຮືອຫວັງແອງໃນແຂວງຮ່າຕິ້ງພາກກາງຂອງຫວຽດນາມໃນເດືອນກໍລະກົດນີ້
ອີງຕາມການລາຍງານຂອງເພສຂ່າວ Vientiane Times ລາຍງານວ່າ: ລັດຖະບານຫວຽດນາມໄດ້ຕົກລົງຈະເພີ່ມສ່ວນແບ່ງໃຫ້ລາວໃນໂຄງການຈາກ 20% ຂຶ້ນເປັນ 60% ຕາມການຮຽກຮ້ອງຂອງລາວ ເຮັດໃຫ້ລາວເປັນຜູ້ຖືຫຸ້ນໃຫຍ່. ລັດຖະບານລາວໄດ້ຮ່ວມມືກັບ ບໍລິສັດ ນ້ຳມັນເຊື້ອໄຟເທຣດດິ້ງລາວມະຫາຊົນ (PetroTrade) ເຊິ່ງເປັນບໍລິສັດຍ່ອຍຂອງບໍລິສັດ PTL Holding Company Limited ເພື່ອຮ່ວມມືກັບລັດຖະບານຫວຽດນາມໃນການພັດທະນາໂຄງການ Lao Logistics Link (LLL) ເຊິ່ງລວມມີທ່າເຮືອ.
ທ່ານ ຈັນໂທ ສິດທິໄຊ ປະທານສະພາບໍລິຫານ ບໍລິສັດ ປິໂຕຣເທຣດ ໄດ້ກ່າວຕໍ່ປະທານສະພາແຫ່ງຊາດ ທ່ານ ດຣ. ໄຊສົມພອນ ພົມວິຫານ ໃນອາທິດທີ່ຜ່ານມາວ່າ: ທີມງານຂອງລາວກຳລັງເຮັດວຽກກັບຝ່າຍຫວຽດນາມໃນການຊໍາລະຄ່າຫຸ້ນສ່ວນເພີ່ມເຕີມກ່ອນຈະເຂົ້າຮັບຕໍາແໜ່ງຜູ້ບໍລິຫານທ່າເຮືອ. ທ່ານ ຈັນໂທ ກ່າວຕໍ່ທ່ານ ດຣ. ໄຊສົມພອນ ວ່າ “ຖ້າສິ່ງຕ່າງໆເປັນໄປຕາມແຜນການທີ່ວາງໄວ້, ພວກເຮົາຄາດວ່າຈະເຂົ້າຮັບຕໍາແໜ່ງຜູ້ບໍລິຫານ [ທ່າເຮືອ] ໃນເດືອນກໍລະກົດ,”. ທ່ານ ດຣ. ໄຊສົມພອນ ພ້ອມດ້ວຍຄະນະ ໄດ້ຮັບຟັງການລາຍງານສະຫຼຸບກ່ຽວກັບໂຄງການດັ່ງກ່າວ ໃນລະຫວ່າງການຢ້ຽມຢາມທ່າເຮືອ ທ່ານາແລ້ງດຣາຍພອທ໌ (Thanaleng Dry Port) ແລະ ສວນວຽງຈັນໂລຈິສຕິກ (Vientiane Logistics Park) ຢູ່ນະຄອນຫຼວງວຽງຈັນ ເຊິ່ງເປັນສ່ວນໜຶ່ງຂອງ LLL ທີ່ບໍລິສັດຂອງ ທ່ານ ຈັນທອນ ທີ່ກຳລັງພັດທະນາຢູ່.
ລັດຖະບານລາວ ແລະ ບໍລິສັດ ປິໂຕຣເທຣດ ໄດ້ສ້າງຕັ້ງບໍລິສັດຮ່ວມທຶນຊື່ວ່າ ລັດວິສາຫະກິດທ່າເຮືອ ຫວັງແອງ ລາວ-ຫວຽດນາມ ເຊິ່ງລັດຖະບານຖືຫຸ້ນ 51% ແລະ ປິໂຕຣເທຣດ ຖືຫຸ້ນ 49%, ເພື່ອຮ່ວມກັບຫວຽດນາມໃນການພັດທະນາ ແລະ ດຳເນີນທ່າເຮືອ ເພື່ອຕອບສະໜອງຄວາມຕ້ອງການທີ່ເພີ່ມຂຶ້ນສໍາລັບການຂົນສົ່ງສິນຄ້າ.
ປະຈຸບັນ ທ່າເຮືອດັ່ງກ່າວພວມດຳເນີນງານ ແລະ ຈັດການບັນທຸກ ແລະ ຂົນສົ່ງສິນຄ້າທີ່ປະກອບດ້ວຍແຜ່ນໄມ້, ໂພແທດຊຽມ, ຫີນກາວ, ແຮ່ເຫຼັກ ແລະ ຖ່ານຫີນ.
ເນື່ອງຈາກໂຄງການທາງລົດໄຟ (ສ່ວນໜຶ່ງຂອງ LLL) ທີ່ເຊື່ອມຕໍ່ວຽງຈັນຜ່ານຄໍາມ່ວນໄປຫາທ່າເຮືອໄດ້ຖືກວາງແຜນໄວ້, ການຂົນສົ່ງສິນຄ້າຜ່ານທ່າເຮືອຫວັງແອງລວມທັງຈາກພາກອີສານຂອງໄທໄປສູ່ຕະຫຼາດໃຫຍ່ໃນອາຊີເຊັ່ນ: ຈີນ, ສາທາລະນະລັດເກົາຫຼີ, ຍີ່ປຸ່ນ ແລະ ຮົງກົງ ເຊິ່ງເປັນທາງເລືອກທີ່ຄຸ້ມຄ່າ.