spot_img
Homeຂ່າວຕ່າງປະເທດຣັດ​ເຊຍ-ຢູ​ເຄຣນ ​ເຈ​ລະ​ຈາ​ສັນ​ຕິ​ພາບ​ຄັ້ງ​ທຳ​ອິດ ຢູ່​ຊາຍ​ແດນ​ເບ​ລາ​ຣຸ​ດ

ຣັດ​ເຊຍ-ຢູ​ເຄຣນ ​ເຈ​ລະ​ຈາ​ສັນ​ຕິ​ພາບ​ຄັ້ງ​ທຳ​ອິດ ຢູ່​ຊາຍ​ແດນ​ເບ​ລາ​ຣຸ​ດ

Published on

ຣັດ​ເຊຍ ​ແລະ ຢູ​ເຄຣນ ຕົກລົງ​ຈັດການ​ເຈລະຈາ​ເປັນ​ຄັ້ງ​ທຳ​ອິດ ຢູ່​ຊາຍ​ແດນ​ໃນ​ເບ​ລາຣຸດ ໃກ້ກັບແມ່ນ້ຳປີປຽດ ໃນວັນທີ 28 ກຸມພາ 2022 ຕາມເວລາທ້ອງຖິ່ນ ຫຼັງຈາກຜູ້ນຳຣັດເຊຍສັ່ງ​ບຸກ​ໂຈມ​ຕີ​ຢ່າງ​ຮຸນ​ແຮງ​ໃສ່​ຢູ​ເຄຣນ ຕັ້ງແຕ່ວັນທີ 24 ກຸມພາທີ່ຜ່ານມາ.

ການເຈລະຈາຄັ້ງທຳອິດນີ້ ບໍ່​ແມ່ນເປັນ​ການ​ເຈລະຈາ​ລະຫວ່າງ​ປະທານາທິບໍດີ​ລັດ​ເຊຍ  ​ແລະ ປະທານາທິບໍດີ​ອູ​ແກຣນ ​ເນື່ອງຈາກວ່າ​ທັງ​ສອງ​ຝ່າຍ​ພຽງ​ແຕ່​ສົ່ງ ‘ຜູ້ຕາງໜ້າ’ ​ໄປ​ຮ່ວມ​ໂຕະ​ເຈລະຈາ​ເພື່ອ​ບັນລຸ​ຂໍ້​ຕົກລົງ​ຢຸດຕິ​ການ​ບຸກ​ໂຈມ​ຕີ​ຢູເຄຣນຂອງກອງທັບ​ຮັດ​ເຊຍ​ພຽງເທົ່ານັ້ນ. ເຊິ່ງທ່ານ ອາເລັກຊານເດີ ລູຄາເຊນໂກ ປະທານາທິບໍດີ ແຫ່ງເບລາຣຸດ ອາສາຮັບຜິດຊອບດ້ານຄວາມປອດໄພໃຫ້ແກ່ຕັວແທນຢູເຄຣນທີ່ເດີນທາງມາເຈລະຈາ.

ໂດຍຜູ້ນຳເບລາຣຸດ ເປີດເຜີຍການກຽມພ້ອມດ້ານຄວາມປອດໄພສຳລັບຜູ້ຕາງຫນ້າຢູເຄຣນ ທັງເຮືອບິນ, ລູກສອນໄຟ ທີ່ໄດ້ກຽມພ້ອມໃນຂະນະທີ່ນັກເຈລະຈາຂອງຢູເຄຣນ ມາເຂົ້າຮ່ວມກອງປະຊຸມທີ່ຢູ່ຊາຍແດນເບລາຣຸດ ແລະ ເດີນທາງກັບຄືນ.

ໃນການ​ເຈ​ລະ​ຈາລະຫວ່າງ​ຜູ້​ແທນ​ຢູ​ເຄຣນ ແລະ ຣັດ​ເຊຍ ມີ​ຂຶ້ນ​ພາຍຫຼັງ​ທີ່ຣັດ​ເຊຍ​ອອກ​ຖະ​ແຫຼງ​ການ​ສະ​ແດງ​ຄວາມ​ບໍ່​ພໍ​ໃຈ​ຕໍ່​ຢູ​ເຄຣນ ໂດຍອ້າງວ່າທາງຢູເຄຣນ ໄດ້ປະຕິເສດຂໍ້ສະເໜີຂອງຣັດເຊຍ ທີ່ຈະຈັດການເຈລະຈາສັນຕິພາບໃນເບລາຣູດ. ຍ້ອນ​ວ່າ​ຝ່າຍ​ຢູເຄຣນ​ຢາກ​ເຈລະຈາ​ຢູ່​ວໍ​ຊໍ ນະຄອນຫຼວງຂອງໂປແລນ ຈາກ​ນັ້ນ ຢູ​ເຄຣນໄດ້ອອກມາ​ປະຕິ​ເສດ​ຂໍ້​ກ່າວ​ຫາ​ທີ່ອ້າງ​ວ່າ ຢູ​ເຄຣນ ບໍ່​ຢາກ​ເຈລະຈາ​ກັບ​ຣັດ​ເຊຍ.

ແຫຼ່ງຂໍ້ມູນ: CNN

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...