ກຸ່ມຜູ້ປະທ້ວງຊາວປາກີສະຖານ ລຸມທຳຮ້າຍຜູ້ນັບຖືສາສະໜາຄຣິດຈົນເສຍຊີວິດ ກ່ອນນຳສົບໄປເຜົາ ໂດຍອ້າງ

ວ່າ ທັງສອງດູໝິ່ນພະຄຳພີອັນກຸຣາອານ.

ສຳນັກຂ່າວຕ່າງປະເທດລາຍງານ ໃນວັນທີ 5 ພະຈິກນີ້ວ່າ ຊາຍ – ຍິງ ຊາວປາກີສະຖານຜູ້ນັບຖືສາສະໜາຄຣິດ

ຖືກຝູງຊົນທີ່ກຳລັງຄຽດແຄ້ນທຳຮ້າຍຈົນເສຍຊີວິດ ແລະ ນຳເອົາສົບໄປເຜົາໃນເຕົາ ທີ່ເມືອງ ຄອດ ຣາດາ ຄີຊານ

ຢູ່ໃນແຂວງປັນຈາບ ທາງພາກຕາເວັນອອກຂອງປະເທດ ຫລັງຈາກທັງສອງຄົນຖືກກ່າວຫາວ່າ ດູໝິ່ນພະຄຳພີອັນ

ກຸຣາອານ ເຊິ່ງເປັນຄຳພີສັກສິດທາງສາສະໜາອິດສະລາມ.

ທ່ານ ບິນ ຢາມິນ ເຈົ້າໜ້າທີ່ຕຳຫລວດໃນທ້ອງຖິ່ນ ໄດ້ເປີດເຜີຍຕໍ່ສຳນັກຂ່າວຕ່າງປະເທດວ່າ ຜູ້ເຄາະຮ້າຍຊື່ ທ້າວ

ຊາມາ ແລະ ນາງ ເຊຊາດ ໂດຍໃນມື້ວັນຈັນທີ 3 ພະຈິກຜ່ານມານີ້ ທັງຄູ່ໄດ້ຖືກກ່າວຫາວ່າ ດູໝິ່ນພະຄຳພີອັນກຸຣາ

ອານ ກ່ອນທີ່ໃນມື້ວັນອັງຄານ (4 ພະຈິກ) ກຸ່ມຄົນທີ່ພາກັນຮູ້ຂ່າວ ຈິ່ງພາກັນຄຽດແຄ້ນ ແລະ ລຸມທຳຮ້າຍຮ່າງກາຍ

ທັງຄູ່ຈົນເສຍຊີວິດ ແລະ ເອົາຮ່າງໄປເຜົາຢູ່ໃນເຕົາດິນຈີ່.

ເຈົ້າໜ້າທີ່ໄດ້ກ່າວອີກວ່າ ພວກເຂົາພະຍາຍາມທີ່ຈະເຂົ້າຊ່ວຍເຫລືອຊາຍ – ຍິງທັງຄູ່ ແຕ່ກໍບໍ່ສຳເລັດ ເນື່ອງຈາກມີ

ຝູງຊົນນຳນວນຫລາຍ ແລະ ຕຳຫລວດກໍຖືກໂຈມຕີກັບອີກດ້ວຍ, ຢ່າງໃດກໍຕາມ ໃນຂະນະນີ້ ເຈົ້າໜ້າທີ່ລະດັບສູງ

ໃນກົມຕຳຫລວດ ແລະ ລັດຖະບານປາກີສະຖານ ກຳລັງຖືກສົ່ງໄປສືບສວນເຫດການທີ່ເກີດຂຶ້ນແລ້ວ.