Homeຂ່າວຕ່າງປະເທດເຮືອບິນໃຫຍ່ຂອງຢູເຄຣນຖືກຍິງຖະຫຼົ່ມເສຍຫາຍ

ເຮືອບິນໃຫຍ່ຂອງຢູເຄຣນຖືກຍິງຖະຫຼົ່ມເສຍຫາຍ

Published on

ວັນ​ທີ 28 ກຸມພາ 2022 ເວັບໄຊ້ຂ່າວ CNA ໄດ້ລາຍງານວ່າ: ກຸ່ມ​ອຸດສາຫະກຳ​ປ້ອງ​ກັນ​ປະ​ເທດ​ຂອງ​ຢູເຄຣນ ເປີດເຜີຍວ່າ ເຮືອບິນຂົນ​ສົ່ງ​ Antonov-225 ຂອງຢູເຄຣນ ແມ່ນ​ເຮືອບິນ​ຂະໜາດ​ໃຫຍ່​ສຸດ​ຂອງ​ໂລກ, ໄດ້​ຖືກ​​ຖະຫຼົ່ມ​ຍິງຢູ່​ນອກ​ເມືອງຄຽບ ນັບ​ແຕ່​ວັນ​ທີ 4 ຂອງ​ການ​ໂຈມ​ຕີ​ຂອງຣັດ​ເຊຍ.

ເຮືອບິນລຳດັ່ງກ່າວມີຄວາມຍາວ 84 ແມັດ ແລະ ສາມາດບັນທຸກສິນຄ້າໄດ້ເຖິງ 250 ໂຕນ ດ້ວຍຄວາມໄວສູງສຸດ 850 ກິໂລແມັດຕໍ່ຊົ່ວໂມງ. ມັນຖືກເອີ້ນວ່າ “ມຮິຍາ”, ເຊີ່ງຫມາຍຄວາມວ່າ “ຄວາມຝັນ” ໃນພາສາຢູເຄຣນ ໂດຍເຮືອບິນລຳນີ້ ໄດ້ຖືກສ້າງຂຶ້ນເທື່ອທຳອິດ ເປັນສ່ວນຫນຶ່ງຂອງໂຄງການການບິນຂອງໂຊວຽດ ຊຶ່ງ​ໄດ້​ຂຶ້ນ​ເປັນ​ເທື່ອ​ທຳ​ອິດ​ໃນ​ປີ 1988 ດໍາເນີນການໂດຍສາຍການບິນ Ukrainian Antonov. ເພື່ອຂົນສົ່ງສິນຄ້າທີ່ມີຄວາມຕ້ອງການສູງໃນຕອນເລີ່ມຕົ້ນການລະບາດຂອງພະຍາດໂຄວິດ-19

ໃນການວິເຄາະຄວາມເສຍຫາຍຂອງຜູ້ຜະລິດອາວຸດຈາກກຸ່ມອຸດສາຫະກໍາປ້ອງກັນປະເທດຄາດຄະເນວ່າ ການສ້ອມແປງເຮືອບິນ ມຮິຍາ ຈະມີມູນຄ່າຫຼາຍກວ່າ 3 ຕື້ໂດລາ ແລະ ອາດຈະໃຊ້ເວລາຫຼາຍກວ່າ 5 ປີໃນການສ້ອມແປງ.

ທ່ານ ດາມີໂທ ຄູເລເບົາ ລັດຖະມົນຕີການຕ່າງປະເທດຂອງຢູເຄຣນໄດ້ກ່າວວ່າ: ຣັດເຊຍອາດທຳລາຍມຮິຍາຂອງພວກເຮົາ ແຕ່ພວກເຂົາບໍ່ສາມາດທຳລາຍຄວາມຝັນທີ່ເຂັ້ມແຂງຂອງພວກເຮົາ ທີ່ຈະເປັນປະເທດເອີຣົບທີ່ເຂັ້ມແຂງ ມີອິດສະຫຼະ ແລະ ເປັນປະຊາທິປະໄຕ.

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...