ອີງຕາມການລາງານ ໃນວັນທີ 20 ກຸມພາ ຜ່ານມາ, ສຳນັກງານພະລາຊະວັງບັກກິ້ງແຮມ ທີ່ນະຄອນຫຼວງລອນດອນໄດ້ອອກຖະແຫຼງການຢືນຢັນວ່າ: ພະລາຊິນີ ເອລິສເບັດ ທີ2 (Elizabeth II) ຂອງອັງກິດ ອາຍຸ 95 ປີ, ໄດ້ກວດພົບວ່າ ຕິດເຊື້ອໂຄວິດ-19 ພຽງບໍ່ເທົ່າໃດມື້ຫຼັງຈາກເຈົ້າຊາຍຊາວ (Charles) ມົງກຸດຮາຊກຸມານຂອງອັງກິດ ໄດ້ກວດພົບວ່າຕິດໂຄວິດ-19 ແລະ ຫຼັງຈາກນັ້ນ ຄາມິລາ (Camilla) ດັດເຊັສແຫ່ງຄອນວໍ ພັນລະຍາຂອງເຈົ້າຊາຍຊາວ ກໍຍັງຕິດເຊື້ອໂຄິວິດ-19 ເຊັ່ນດຽວກັນ.
ພະລາຊະວັງບັກກິ້ງແຮມກ່າວວ່າ: ພະລາຊິນີ ເອລິສະເບັດ ທີ2 ປ່ວຍເປັນໄຂ້ຫວັດ ແຕ່ບໍ່ຮຸນແຮງ, ສະນັ້ນຄາດວ່າ ພະອົງ ສາມາດປະຕິບັດພາລະກິດໜ້າທີ່ຕໍາແຫນ່ງໄດ້ໃນຮູບແບບບໍ່ໜັກຫຼາຍ ທີ່ພະລາຊະວັງໃນອາທິດທີ່ຈະມາເຖິງນີ້. ໃນຂະນະດຽວກັນ ພະລາຊິນີ ເອລິສເບັດ ທີ2 ຈະໄດ້ຮັບການເບິ່ງແຍງຈາກທີມແພດ ແລະ ຈະປະຕິບັດຕາມທຸກຄໍາແນະນໍາທີ່ຖືກຕ້ອງ.
ທັງນີ້ ພະລາຊິນີ ເອລິສເບັດ ທີ2 ໄດ້ກວດພົບວ່າ ເປັນພະຍາດໂຄວິດ-19 ພຽງສອງອາທິດ ຫຼັງຈາກເຈົ້າໜ້າທີ່ອັງກິດໄດ້ເລີ່ມພິທີສະເຫຼີມສະຫຼອງວັນຄົບຮອບການຂຶ້ນຄອງບັນລັງ 70 ປີ ຂອງພະອົງ ໃນວັນທີ 6 ກຸມພາ 2022 ທີ່ຜ່ານມາຈຶ່ງມີການກວດຫາເຊື້ອຈາກທີມເຈົ້າໜ້າທີ່, ທີ່ເຮັດວຽກຈຳນວນໜຶ່ງຂອງພະອົງໃນພະລາຊະວັງວິນເຊີວ່າຈະຕິດໂຄວິດ-19 ຫຼືບໍ່.
ທີ່ມາ: Dailymail