- ຊຸດທີ່ມີຂົນ ອາດກໍ່ຄວາມລະຄາຍເຄືອງແກ່ຜິວທີ່ບອບບາງໂດຍເດັກນ້ອຍບໍ່ຮູ້ຕົວ ບາງເທື່ອກະຕຸ້ນພູມແພ້ ແລະ ກໍ່ອາການຄັນໄດ້
- ຊຸດທີ່ປະກອບດ້ວຍສ່ວນຕົກແຕ່ງ ເຊັ່ນ ກະດຸມດອກໄມ້, ລູກໄມ້, ຍິ່ງມີສີສັນຈະຍິ່ງກະຕຸ້ນໃຫ້ເດັກດຶງມາອົມຫລືກືນໄດ້
- ຊຸດທີ່ຂະໜາດພໍດີຕົວເກີນໄປ ຫລື ຄັບ ເຮັດໃຫ້ເດັກຫາຍໃຈບໍ່ອອກ ອຶດອັດ ແລະ ເຮັດໃຫ້ເລືອດໄຫລວຽນໄດ້ບໍ່ດີ
- ຊຸດທີ່ມີສີສະທ້ອນແສງປະກອບ ຈະສ້າງຄວາມສົນໃຈແກ່ເດັກນ້ອຍ ແລະ ເຮັດໃຫ້ເຂົາຈຶ້ງຕາເບີ່ງໄດ້ດົນນັບຊົ່ວໂມງ ເຮັດໃຫ້ສາຍຕາອ່ອນລ້າ ແລະ ບົກຜ່ອງໄດ້
- ຊຸດໃຍສັງເຄາະທີ່ບໍ່ໄດ້ຄຸນນະພາບ ອາດມີສານພິດຢູ່ໃນເສັ້ນໃຍຜ້າຊຶ່ງເດັກນ້ອຍຈະຕ້ອງສຳຜັດຢູ່ສະເໝີ
- ຊຸດທີ່ປະກອບດ້ວຍສາຍເເອວ,ເຊືອກ, ດ້າຍ ເພາະອາດພັນຕົວ ຫລື ຫັດຄໍໄດ້ເວລາທີ່ລູກຫລັບ ຫລື ຫລິ້ນ
- ຊຸດທີ່ໜາເກີນໄປ ມີນ້ຳໜັກ ເຮັດໃຫ້ເດັກນ້ອຍຕ້ອງແບກຮັບນ້ຳໜັກ ແລະສົ່ງຜົນຕໍ່ກ້າມເນື້ອຂອງລູກໄດ້
- ຊຸດທີ່ເຮັດຈາກແພແຂງ ມີຄວາມຍືດໜ້ອຍເກີນໄປ ເມື່ອເດັກດຶງເສື້ອຜ້າ ຫລື ເຄື່ອນໄຫວອາດເຮັດໃຫ້ເຈັບ ຫລື ເກີດການຮຸກຖູເປັນບາດໄດ້
- ຊຸດມືສອງ ທີ່ອາດສະສົມເຊື້ອທີ່ກໍ່ໃຫ້ເກີດພະຍາດຕິດຕໍ່ ຊຶ່ງບໍ່ເໝາະກັບເດັກນ້ອຍທີ່ມີພູມແພ້
- ຊຸດທີ່ຜ່ານການຍ້ອມສີເຄມີຈັດຈ້ານ ຫລືຊຸດທີ່ພະຍາຍາມຍ້ອມເອງ ດ້ວຍວິທີການແລະ ສີຍ້ອມຜ້າທີ່ບໍ່ໄດ້ມາດຕະຖານ ບໍ່ມີເຄື່ອງໝາຍຮັບຮອງຄວາມປອດໄພ ຊຶ່ງເຕັມໄປດ້ວຍສານອັນຕະລາຍຕໍ່ເດັກ