ເວັບໄຊ້ຂ່າວຕ່າງປະເທດ ໄດ້ລາຍງານວ່າ: ລັດຖະບານປະເທດ ອົດສະຕຣາລີ ໄດ້ປະກາດກຽມເປີດປະເທດ ແລະ ອະນຸຍາດໃຫ້ຄົນຕ່າງປະເທດທີ່ໄດ້ຮັບການສັກວັກຊີນປ້ອງກັນພະຍາດໂຄວິດ-19 ຄົບ 2 ເຂັມ ສາມາດເດີນທາງເຂົ້າປະເທດອົດສະຕຣາລີໄດ້ ເລີ່ມຕັ້ງແຕ່ວັນທີ 21 ກຸມພາ 2022 ທີ່ຈະມາຮອດນີ້.
ນາຍົກລັດຖະມົນຕີອົດສະຕຣີລີ ໄດ້ກ່າວວ່າ: “ຖ້າເຈົ້າສັກວັກຊີນປ້ອງກັນໂຄວິດ-19 ຄົບສອງເຂັມແລ້ວ ພວກເຮົາກໍພ້ອມທີ່ຈະຕ້ອນຮັບທ່ານເຂົ້າສູ່ປະເທດອົດສະຕຣາລີ”.
ການຜ່ອນພັນມາດຕະການຂອງການຄວບຄຸມການແຜ່ລະບາດຂອງໂຄວິດ-19 ຂອງປະເທດອົດສະຕຣາລີນັ້ນ ຖືເປັນການກະຕຸ້ນກຸ່ມທຸລະກິດສາຍການບິນ, ໂຮງແຮມ ແລະ ການທ່ອງທ່ຽວທີ່ໄດ້ຮັບຜົນກະທົບຢ່າງໜັກຈາກການລະບາດຂອງພະຍາດທີ່ຜ່ານມາ.
ການປະກາດເປີດປະເທດໃນຄັ້ງນີ້ເຮັດໃຫ້ລາຄາຮຸ້ນຂອງກຸ່ມທຸລະກິດການທ່ອງທ່ຽວ ແລະ ສາຍການບິນເໜັງຕີງຂຶ້ນຢ່າງໄວວາ ແລະ ສໍາລັບສະຖານະການການລະບາດຂອງໂຄວິດ-19 ໃນປະເທດອົດສະຕຣາລີນັ້ນ ຈໍານວນຜູ້ຕິດເຊື້ອໃໝ່ໃນເດືອນມັງກອນທີ່ຜ່ານມາແມ່ນເລີ່ມຫຼຸດລົງ ແຕ່ພໍມາຮອດຕົ້ນເດືອນກຸມພາ ຜູ້ຕິດເຊື້ອໃໝ່ແມ່ນເພີ່ມສູງຂຶ້ນປະມານ 150,000 ຄົນຕໍ່ມື້.