ອີງຕາມການລາຍງານຈາກເວັບໄຊ້ຂ່າວລັດເຊຍທູເດ ກ່ຽວກັບບໍລິສັດ Space Transportation ຫຼື ທີ່ເອີ້ນວ່າ ປັກກິ່ງ ຫຼິງຄົງ ທຽນຊິງ ເທັກໂນໂລຍີ ໄດ້ເປີດເຜີຍກັບສື່ມວນຊົນຈີນວ່າ: ກຳລັງຢູ່ລະຫວ່າງການພັດທະນາ ຈະຫຼວດແບບມີປີກ ສຳຫຼັບການເດີນທາງໃນອາວະກາດ ແລະ ຂົນສົ່ງເຊື່ອມຕໍ່ຈຸດຕໍ່ຈຸດດ້ວຍຄວາມໄວສູງເຊິ່ງຈະມີຄວາມໄວກວ່າເຄື່ອງບິນ ແລະ ລາຄາຖືກກວ່າຈະຫຼວດທີ່ໃຊ້ບັນທຸກດາວທຽມ. ເຊິ່ງທາງບໍລິສັດຄາດໝາຍວ່າຈະເຮັດການທົດລອງຈະຫຼວດບູສເຕີ້ໃນປີ 2023 ແລະ ເຄື່ອງບິນໂດຍສານຕົ້ນສະບັບໜ້າຈະພ້ອມໃຊ້ງານປະມານໃນປີ 2030.
ຈາກຂໍ້ມູນການນຳສະເໜີທີ່ເຜີຍແພ່ເວັບໄຊ້ຂອງບໍລິສັດ ເຄື່ອງບິນລຳນີ້ຈະຖືກ່ປອຍອອກໃນແນວຕັ້ງ ດີດໂຕເອງອອກຈາກປີກພ້ອມຈະຫຼວດບູສເຕີ້ ແລະ ຫຼັງຈາກເດີນທາງແລ້ວມັນຈະລົງຈອດໃນແນວຕັ້ງດ້ວຍຂາ 3 ຂາ
ບໍລິສັດ Space Transportation ຍັງໄດ້ລະບຸເພີ່ມເຕີມອີກວ່າ: ຖ້ຽວບິນດັ່ງກ່າວຈະສາມາດບິນຈາກປັກກິ່ງໄປນິວຢອກໂດຍໃຊ້ເວລາພຽງ 1 ຊົ່ວໂມງ ແລະ ຈະຫຼວດລຳນີ້ມີເປົ້າໝາຍການຂົນສົ່ງທີ່ວ່ອງໄວລະຫວ່າງຈຸດຫາ 2 ຈຸດຢູ່ໃນໂລກໂດຍຜ່ານການຂຶ້ນໄປເທິງຊັ້ນບັນຍາກາດ ແລະ ສາມາດໃຊ້ງານຊ້ຳໄດ້ຢ່າງເຕັມຮູບແບບອີກດ້ວຍ.
ອ້າງອີງ: mgronline