ໃນວັນທີ 31 ມັງກອນ 2022 ເວັບໄຊ້ຂ່າວຕ່າງປະເທດ ໄດ້ລາຍງານເຖິງຄວາມຄືບໜ້າຄວາມເສຍຫາຍທີ່ເກີດຈາກພາຍຸຖະຫຼົ່ມເຂົ້າປະເທດມາເລເຊຍ ເຊິ່ງພາຍຸໄດ້ພັດເຂົ້າເມືອງ ອີໂປະ ແຂວງ ເປຣັກ ປະເທດ ມາເລເຊຍ ໃນວັນທີ 30 ມັງກອນ 2022 ທີ່ຜ່ານມາ ກະແສລົມຈາກພາຍຸດັ່ງກ່າວໄດ້ເຮັດໃຫ້ບ້ານເຮືອນຈໍານວນຫຼາຍໄດ້ຮັບຄວາມເສຍຫາຍ ແລະ ເສົາໄຟໄຟ້າຫັກລົ້ມເປັນບໍລິເວນກວ້າງ ແຕ່ໃນເບື້ອງຕົ້ນຍັງບໍ່ພົບຜູ້ເສຍຊີວິດ.

ປະຊາຊົນພາຍໃນເມືອງຫຼາຍຄົນໄດ້ໃຫ້ຄວາມເຫັນວ່າ ຫຼັງຈາກທີ່ພາຍຸພັດເຂົ້າມາກໍໄດ້ເຮັດໃຫ້ຫຼັງຄາເຮືອນປິວໄປຕາມຄວາມແຮງຂອງລົມ ແລະ ມີຕົ້ນໄມ້ລົ້ມທັບເຮືອນເຮັດໃຫ້ໄດ້ຮັບຄວາມເສຍຫາຍເປັນຈໍານວນຫຼາຍ.

ທ່ານ ອັລເບີດ ໂຮ ເຈົ້າໜ້າທີ່ສະພາເທດສະບານເມືອງອີໂປະ ໄດ້ກ່າວວ່າໄດ້ປັບປຸງສາລາໃນເຂດກໍາປຸງຕາວາຊໃຫ້ກາຍເປັນສະຖານທີ່ພັກເຊົາຊົ່ວຄາວ ແລະ ໄດ້ມີການປະສານງານກັບສໍານັກງານສະຫວັດດີການເພື່ອເລັ່ງໃຫ້ຄວາມຊ່ວຍເຫຼືອກັບຜະຊາຊົນຜູ້ທີ່ປະສົບໄພ.