ເວັບໄຊ້ຂ່າວຕ່າງປະເທດ ໄດ້ລາຍງານວ່າ: ໃນວັນທີ 31 ມັງກອນ 2022 ທ່ານ ນູເວົາ ໂດເຣຍ ຜູ້ວ່າການລັດເຊົາເປົາໂລ ທາງພາກຕາເວັນອອກສຽງໃຕ້ຂອງປະເທດບຣາຊິວ ໄດ້ເດີນທາງໄປຍັງພື້ນທີ່ທີ່ປະສົບກັບໄພນໍ້າຖ້ວມ ແລະ ດິນຖະຫຼົ່ມ ຫຼັງຈາກທີ່ມີຝົນຕົກໜັກຢ່າງຕໍ່ເນື່ອງນັບຕັ້ງແຕ່ວັນທີ 28 ມັງກອນ 2022 ທີ່ຜ່ານມາ ສົ່ງຜົນເຮັດໃຫ້ມີຜູ້ເສຍຊີວິດຢ່າງຕໍ່າ 18 ຄົນ ໃນຈໍານວນນີ້ເປັນເດັກນ້ອຍ 7 ຄົນ ແລະ ອີກ 11 ຄົນແມ່ນເສຍຊີວິດຈາກດິນຖະຫຼົ່ມໃສ່ເຮືອນ. ນອກຈາກນີ້, ຍັງພົບຜູ້ບາດເຈັບອີກ 9 ຄົນ, ສູນຫາຍອີກ 5 ຄົນ ແລະ ປະມານ 500 ຄົນຕ້ອງໄດ້ອົບພະຍົບອອກຈາກພື້ນທີ່ ແລະ ຍັງບໍ່ທັນມີທີ່ພັກອາໄສ.

ໃນເບື້ອງຕົ້ນທ່ານ ນູເວົາ ໂດເຣຍ ໄດ້ປະກາດອະນຸມັດງົບປະມານ 15 ລ້ານຣຽວ ຫຼື ປະມານ 32 ຕື້ກີບ ເພື່ອຊ່ວຍເຫຼືອປະຊາຊົນໃນພື້ນທີ່ທີ່ໄດ້ຮັບຜົນກະທົບຮຸນແຮງ ເປັນຈໍານວນ 10 ເມືອງ ແລະ 645 ເຂດ.

ທາງດ້ານສໍານັກງານປ້ອງກນັນພົນລະເຮືອນໄດ້ລຸບຸວ່າສະຖານະການໄພພິບັດໃນລັດເຊົາເປົາໂລຍັງມີຄວາມໜ້າກັງວົນ ເນື່ອງຈາກມີນໍ້າຖ້ວມ, ດິນຖະຫຼົ່ມ, ຕົ້ນໄມ້ລົ້ມທັບບ້ານເຮືອນເປັນບໍລິເວນກວ້າງ.