ສື່ດັງຂອງອາເມລິກາຫຼາຍສໍານັກ ໄດ້ລາຍງານຂ່າວຮ້າຍອັນໜ້າຕົກໃຈ ເມື່ອເຈົ້າໜ້າທີ່ຕໍາຫຼວດໄດ້ພົບຮ່າງຂອງ Cheslie Kryst ນາງງາມເຈົ້າຂອງຕໍາແໜ່ງ Miss USA 2019 ຫຼັງໄດ້ຕັດສິນໃຈໂດດລົງມາຈາກຕຶກອາຄານສູງທີ່ເປັນທີ່ພັກຂອງຕົນເອງ ເມື່ອເວລາ 7:15 ໃນວັນອາທິດ ທີ 30 ມັງກອນ ທີ່ຜ່ານມາ ຕາມເວລາທ້ອງຖິ່ນຂອງນິວຢອກ ນໍາມາເຊິ່ງຄວາມເສຍໃຈໃຫ້ແກ່ຄອບຄົວ ແລະ ແຟນນາງງາມຫຼາຍໆຄົນ.
ກ່ອນໜ້ານີ້ Cheslie ໄດ້ໂພສຮູບພາບ ແລະ ຂໍ້ຄວາມຜ່ານທາງອິນສະຕາແກຣມສ່ວນຕົວຂອງຕົນ ໂດຍມີເນື້ອໃນວ່າ “May this day bring you rest and peace” ເຊິ່ງແປວ່າ “ຂໍໃຫ້ມື້ນີ້ ນໍາພາໃຫ້ເຈົ້າພັກຜ່ອນ ແລະ ສະຫງົບສຸກ”. ທາງດ້ານຄອບຄົວຂອງລາວໄດ້ກ່າວໃນຖະແຫຼງການວ່າ “ໃນຄວາມໂສກເສົ້າຄັ້ງໃຫຍ່ຫຼວງນີ້ Cheslie ຜູ້ເປັນທີ່ຮັກຂອງພວກເຮົາ ໄດ້ຈາກພວກເຮົາໄປແລ້ວ”
ຄວາມສໍາເລັດເທິງເສັ້ນທາງນາງງາມຂອງ Cheslie Kryst ໄດ້ເລີ່ມຕົ້ນຂຶ້ນຫຼັງຈາກທີ່ລາວໄດ້ຮັບຕໍາແໜ່ງນາງງາມຄົນທີ 3 ຈາກ Tar Hill Carolina ທີ່ຄວ້າຕໍາແໜ່ງ Miss USA 2019 ແລະ ຮ່ວມປະກວດເທິງເວທີ Miss Universe 2019 ຈົນຜ່ານເຂົ້າຮອບ 10 ຄົນສຸດທ້າຍ. ນອກຈາກນັ້ນ Cheslie ຍັງໄດ້ຮັບເລືອກເປັນໜຶ່ງໃນຄະນະກໍາມະການຕັດສິນ Miss Universe 2021 ນໍາອີກ ຖືໄດ້ວ່າເປັນງາານສຸດທ້າຍໃນວົງການນາງງາມເລີຍກໍວ່າໄດ້.