Homeຂ່າວຕ່າງປະເທດສຸດລ້ຳ Oxagon ເມືອງລອຍນ້ຳທີ່ໃຫຍ່ທີ່ສຸດຂອງປະເທດຊາອຸດິອາຣາເບຍ

ສຸດລ້ຳ Oxagon ເມືອງລອຍນ້ຳທີ່ໃຫຍ່ທີ່ສຸດຂອງປະເທດຊາອຸດິອາຣາເບຍ

Published on

ເຈົ້າຊາຍ ໂມຮຳເມັດ ບິນ ຊານມານ ແຫ່ງປະເທດ ຊາອຸດິອາຣາເບຍ ເປີດເຜີຍແຜນການສ້າງເມືອງລອຍນ້ຳສຸດລ້ຳຂະໜາດໃຫຍ່ທີ່ເອີ້ນວ່າ Oxagon ເມື່ອເດືອນພະຈິກທີ່ຜ່ານມາເຊິ່ງເປັນໂຄງການຂະໜາດໃຫຍ່ທີ່ດຳເນີນການສ້າງໂດຍຫຸ່ນຍົນ ແລະ Al ຍິ່ງໄປກວ່ານັ້ນ ເມືອງລອຍນ້ຳແຫ່ງນີ້ຂັບເຄື່ອນດ້ວຍພະລັງງານສະອາດ 100% ແລະຍັງເປັນເມືອງລອຍນ້ຳທີ່ໃຫຍ່ທີ່ສຸດໃນໂລກ ເນື່ອງຈາກເຄິ່ງໜຶ່ງຂອງເມືອງລອຍຢູ່ທະເລແດງ.

Oxagon ຈະເປັນສູນລວມສຳລັບຜູ້ຄົນທີ່ມີຄວາມຮູ້ຄວາມສາມາດລະດັບສູງເພື່ອສ້າງນະວັດຕະກຳ ແລະ ແກ້ປັນຫາສຳຄັນຂອງໂລກ ເອີ້ນໄດ້ວ່າເປັນເມືອງແຫ່ງອານາຄົດສຸດລ້ຳເນື່ອງຈາກເມືອງແຫ່ງນີ້ຈະຍ້າຍເທັກໂນໂລຍີຂັ້ນສູງທີ່ທັນສະໄໝ ລວມໄປເຖິງ Internet of Things (loT) Al ແລະ ການເຂົ້າເຖິງອິນເຕີເນັດທຸກຊອກທຸກມຸມຂອງເມືອງ ເຊິ່ງຍັງຕັ້ງເປົ້າເປັນສູນກາງການຂົ່ນສົ່ງແບບປະສົມປະສານ ຕະຫຼອດຈົນເຊື່ອມຕໍ່ທ່າເຮືອ ແລະ ສະໜາມບິນຢ່າງທັນສະໄໝ.

ເມືອງດັ່ງກ່າວເປັນສ່ວນໜຶ່ງຂອງໂຄງການເມືອງແຫ່ງອານາຄົດ Neom ສະມາດຊິດຕີ້ ທີ່ມີຂະໜາດປະມານ 10,230 ຕາລາງກິໂລແມັດ ເຊິ່ງໃຊ້ງົບປະມານໃນການສ້າງ 500.000 ລ້ານໂດລາທີ່ເປີດໂຕໄປໃນເດືອນຕຸລາ ປີ 2017 ໂດຍມີເປົ້າໝາຍເພື່ອຊຸກຍູ້ປະເທດຊາອຸດິອາຣາເບຍທີ່ເປັນຜູ້ສົ່ງອອກນ້ຳມັນດິບລາຍໃຫຍ່ທີ່ສຸດໃນໂລກ ໃຫ້ກາຍເປັນສູນກາງຂອງໂລກດ້ານອຸດສາຫະກຳ ແລະ ເທັກໂນໂລຍີ ລວມທັງທຸລະກິດໃໝ່ໆ.

ຢ່າງໃດກໍຕາມປະເທດ ຊາອຸ ເປັນປະເທດທິ່ສົ່ງອອກນ້ຳມັນ ແຕ່ກໍມີແຜນທີ່ຈະຫຼຸດການຜະລິດນ້ຳມັນແລ້ວຫັນປ່ຽນມາໃຊ້ພະລັງງານໜູນວຽນແທນແລະຕັ້ງເປົ້າທີ່ຈະເປັນປະເທດສີຂຽວໃນອານາຄົດ.

ແຫຼ່ງຂ່າວ: Posttoday

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...