ສໍານັກຂ່າວ channelnews ລາຍງານວ່າ ບໍລິສັດ ໄຟເຊີ້ ແລະ ໂອໄບເທັກ ປະກາດໃນວັນທີ 25 ມັງກອນ 2022 ວ່າ ພວກເຂົາໄດ້ເລີ່ມການທົດສອບທາງຄຣີນິກຂອງວັກຊີນຕ້ານໄວຣັສ ໂຄວິດ-19 ຊະນິດໃໝ່ ເຊິ່ງຖືກອອກແບບມາເພື່ອຮັບມືກັບເຊື້ອສາຍພັນໂອມີຄຣອນໂດຍສະເພາະ ມີຄວາມສາມາດໃນການຫຼົບພູມຄຸ້ມກັນຈາກວັກຊີນຊະນິດກ່ອນແລ້ວ.

ທັງສອງບໍລິສັດ ມີແຜນຈະທົດສອບການຕອບສະໜອງທາງພູມຄຸ້ມກັນທີ່ເກີດຂຶ້ນຈາກການສັກວັກຊີນຊະນິດກ່ອນ 2 ໂດສແລ້ວ ລວມເຖິງຈະສຶກສາເລື່ອງຄາມປອດໄພ ແລະ ຄວາມທົນຂອງຢາ (tolerability) ໃນຜູ້ຮັບການທົດສອບຫຼາຍກວ່າ 1,400 ຄົນດ້ວຍ.

ທັງນີ້, ການປາກົດຂອງໂຄວິດ-19 ສາຍພັນໂອມີຄຣອນ ເຮັດໃຫ້ການສັກວັກຊີນຕ້ານໂຄວິດຈໍານວນ 2 ໂດສບໍ່ພຽງພໍອີກຕໍ່ໄປ ແລະ ຈໍາເປັນຕ້ອງໄດ້ຮັບວັກຊີນກະຕຸ້ນເປັນເຂັມທີ 3. ຂະນະທີ່ບາງປະເທດເລີ່ມທົດລອງສັກວັກຊີນກະຕຸ້ນ ເຂັມ 3 ແລະ ເຂັມ 4 ແລ້ວ. ຢ່າງໃດກໍຕາມ, ຜົນການສຶກສາໃນອິດສະຣາແອນ ໃຫ້ຮູ້ວ່າ ການສັກວັກຊີນ mRNA ເປັນເຂັມທີ 4 ກໍຍັງສ້າງພູມຄຸ້ມກັນຍັງບໍ່ສູງພໍໃນການປ້ອງກັນການຕິດເຊື້ອໂອມີຄຣອນ ເຮັດໃຫ້ຕ້ອງມີການພັດທະນາວັກຊີນຊະນິດໃໝ່ສໍາລັບເຊື້ອສາຍພັນນີ້ຂຶ້ນມາ.