spot_img
Homeນານາສາລະນອນຫຼັບພາຍໃນ 2 ນາທີ ວິທີງ່າຍໆພຽງແຕ່ 2 ຂັ້ນຕອນເທົ່ານັ້ນ

ນອນຫຼັບພາຍໃນ 2 ນາທີ ວິທີງ່າຍໆພຽງແຕ່ 2 ຂັ້ນຕອນເທົ່ານັ້ນ

Published on

ອາການຂອງການນອນບໍ່ຫຼັບ ມີຕົ້ນຕໍມາຈາກຫຼາກຫຼາຍສາເຫດ ບໍ່ວ່າຈະເກີດຈາກຄວາມຄຽດ, ການເລືອກກິນອາຫານ ແລະ ພຶດຕິກໍາການໃຊ້ຊີວິດຕ່າງໆ ເຊິ່ງອາດຈະສົ່ງຜົນກະທົບທາງດ້ານລົບໃຫ້ກັບສະພາບຈິດໃຈໄດ້ໃນໄລຍະຍາວໄດ້. ສໍາລັບໃຜທີ່ກໍາລັງຜະເຊີນກັບບັນຫານອນຫຼັບຍາກແບບນີ້ ມາລອງວິທີນີ້ທີ່ຈະພາທ່ານນອນຫຼັບພາຍໃນ 2 ນາທີ ໂດຍຖືກຄິດຄົ້ນມາຈາກທະຫານອາກາດໃນຊ່ວງສົງຄາມໂລກຄັ້ງທີ 2 ຈະໄດ້ຜົນ ຫຼື ບໍ່ ນັ້ນຖ້າຢາກຮູ້ ລອງເຮັດຕາມຂັ້ນຕອນດັ່ງຕໍ່ໄປນີ້:

  1. ເລີ່ມຈາກການຜ່ອນຄາຍຮ່າງກາຍ

Relax And Win ໜັງສືກ່ຽວກັບໂປຣແກມພັດທະນາດັ່ງກ່າວ ຂຽນເຖິງຂັ້ນຕອນການຜ່ອນຄາຍຮ່າງກາຍເຊັ່ນ: ຂັ້ນເລີ່ມຕົ້ນໃຫ້ນັ່ງເທິງຕັ່ງ ຫຼື ຕຽງໃນທ່າທີ່ຜ່ອນຄາຍ, ຊອກບ່ອນວາງຕີນໃຫ້ສະບາຍ, ແຍກຫົວເຂົ່າອອກເລັກໜ້ອຍ, ວາງມືທັງສອງໄວ້ດ້ານໃນຂອງຂາທັງສອງຂ້າງ ຈາກນັ້ນໃຫ້ຜ່ອນຄາຍກ້າມເນື້ອໂດຍໄລ່ຈາກເທິງຫາລຸ່ມລົງມາທີ່ກາມ, ລີ້ນ ແລະ ປາກ. ເຮັດທຸກສ່ວນໃຫ້ຜ່ອນຄາຍທີ່ສຸດໄປພ້ອມກັບການຫາຍໃຈເຂົ້າອອກຊ້າໆ.

ຈາກນັ້ນລົງມາທີ່ສ່ວນຮ່າງກາຍ ເລີ່ມຈາກບ່າໄຫຼ່, ປ່ອຍບ່າໃຫ້ຕົກ ຫຼື ແນບລົງກັບດ້ານຂ້າງຂອງລໍາໂຕ ແລ້ວຫາຍໃຈເຂົ້າເລິກໆຄ້າງໄວ້ປະມານ 3 ວິນາທີ ກ່ອນຈະປ່ອຍລົມຫາຍໃຈອອກມາເປັນການຜ່ອນຄາຍໜ້າເອິກ, ເຮັດຊ້າໆເລື້ອຍໆ ຫຼັງຈາກນັ້ນຫາຍໃຈເຂົ້າອອກໃຫ້ເປັນຈັງຫວະ. ວິທີນີ້ ຈະຊ່ວຍໃຫ້ຮ່າງກາຍເຮົາຫຼຸດຜ່ອນຄວາມຕຶງຄຽດ ພ້ອມເຂົ້າສູ່ພາວະການນອນຫຼັບຢ່າງມີປະສິດທິພາບ ຈະດີທີ່ສຸດຖ້າເຮັດຄວບຄູ່ໄປກັບການຜ່ອນຄາຍຈິດໃຈ.

  1. ວິທີການຢຸດຄວາມຄິດ ມີທັງໝົດ 3 ຮູບແແບບ ຄວນເລືອກເຮັດຂໍ້ໃດຂໍ້ໜຶ່ງໂດຍບໍ່ຕ້ອງເຮັດໝົດທຸດຂໍ້

ຮູບແບບທີ 1: ລະຫວ່າງທີ່ນອນລົງໃຫ້ເຮົາຈິນຕະນາການວ່າ ຕົນເອງກໍາລັງນອນຢູ່ເທິງເຮືອທີ່ກໍາລັງລອຍຢູ່ເທິງໜ້ານໍ້າ ທີ່ມີອາກາດສົດຊື່ນ ພ້ອມມີກ້ອນເມກ ແລະ ທ້ອງຟ້າທີ່ສວຍງາມຢູ່ທາງໜ້າ

ຮູບແບບທີ 2: ໃຫ້ຈິນຕະນາການວ່າທ່ານກໍາລັງນອນຢູ່ຫ້ອງທີ່ມີສີດໍາຂະໜາດກວ້າງໃຫຍ່ ແລະ ທຸກຢ່າງຮອບຕົວກໍເປັນສີດໍາໝົດ

ຮູບແບບທີ 3: ບໍ່ຈິນຕະນາການຫຍັງ ແລະ ປ່ອຍໃຫ້ສະໝອງຫວ່າງທີ່ສຸດ

ແຕ່ລະຮູບແບບ ຄວນເຮັດຕໍ່ເນື່ອງເປັນເວລາ 10 ວິນາທີ.

ຜົນການວິໄຈຈາກນັກຮຽນທະຫານທີ່ແບ່ງອອກເປັນ 2 ກຸ່ມ ຈໍານວນ 96% ສາມາດນອນຫຼັບພາຍໃນ 2 ນາທີ ຫຼື ໃຊ້ເວລາໜ້ອຍກວ່ານັ້ນ ເຖິງແມ່ນວ່າກ່ອນທົດສອບຈະໃຫ້ດື່ມກາເຟ ຫຼື ເຮັດສຽງດັງເພື່ອລົບກວນກໍຕາມ.

ສໍາລັບຄົນທີ່ກໍາລັງຜະເຊີນກັບພາວະຕຶງຄຽດ ຫຼື ນອນຫຼັບຍາກ ແນ່ນອນວ່າອາດຈະບໍ່ໄດ້ສົ່ງຜົນຕັ້ງແຕ່ຄັ້ງທໍາອິດທີ່ເຮັດ ຕ້ອງອາໄສການເຝິກຝົນຢ່າງສະໝໍ່າສະເໝີ ແລ້ວຜົນຕອບຮັບມັນຈະສະແດງໃຫ້ເຮົາເຫັນເອງ. ເຊິ່ງວິທີນີ້ອາດເປັນວິທີງ່າຍໆທີ່ຈະພາທ່ານນອນຫຼັບໄດ້ງ່າຍຂຶ້ນກໍເປັນໄດ້.

ຂໍ້ມູນ: unlockmen

ບົດຄວາມຫຼ້າສຸດ

ຍີ່ປຸ່ນໃຫ້ທຶນຊ່ວຍເຫຼືອ 88,546 ໂດລາ ໃນໂຄງການກໍ່ສ້າງໂຮງຮຽນປະຖົມສົມບູນ ບ້ານຫາດສະ ເມືອງປາກທາ ແຂວງບໍ່ແກ້ວ ເພື່ອຍົກລະດັບສະພາບແວດລ້ອມການສຶກສາຮ່ຳຮຽນ

ໃນວັນທີ 15 ຕຸລາ 2025 ທີ່ຜ່ານມາ, ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອເປັນມູນຄ່າປະມານ 88,546 ໂດລາສະຫະລັດ ໃນ ໂຄງການກໍ່ສ້າງໂຮງຮຽນປະຖົມສົມບູນບ້ານຫາດສະ ເຊິ່ງແມ່ນໂຄງການທີ່ຢູ່ພາຍໃຕ້ກອບຮ່ວມມືທີ່ມີຊື່ວ່າ ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP). ໂຄງການດັ່ງກ່າວແມ່ນການສະໜັບສະໜູນທຶນຮອນເພື່ອກໍ່ສ້າງອາຄານຮຽນໃໝ່, ຫ້ອງນໍ້າ...

ຕ້ອນຮັບຢ່າງອົບອຸ່ນ! ປະທານປະເທດ ຕ້ອນຮັບນາຍົກລັດຖະມົນຕີ ແຫ່ງ ຣາຊະອານາຈັກໄທ

ປະທານປະເທດ ຕ້ອນຮັບນາຍົກລັດຖະມົນຕີ ແຫ່ງ ຣາຊະອານາຈັກໄທ ໃນວັນທີ 16 ຕຸລາ 2025 ນີ້, ທີ່ທໍານຽບປະທານປະເທດ, ທ່ານ ທອງລຸນ ສີສຸລິດ ປະທານປະເທດ ແຫ່ງ...

ຍທຂ ຈະສຸມໃສ່ວຽກງານເຄຫາ-ຜັງເມືອງ ນໍ້າປະປາຕາມແຜນພັດທະນາແບບຍືນຍົງ

ວຽກງານເຄຫາ ແລະ ຜັງເມືອງ, ວຽກງານນໍ້າປະປາ ກໍເປັນວຽກງານສໍາຄັນທີ່ພັກ-ລັດ ກໍຄືກະຊວງໂຍທາທິການ ແລະ ຂົນສົ່ງ (ຍທຂ) ໃຫ້ຄວາມສໍາຄັນ ແລະ ຈະສືບຕໍ່ສຸມໃສ່ແກ້ໄຂ ເພື່ອເຮັດໃຫ້ວຽກງານດັ່ງກ່າວບັນລຸຄາດໝາຍຕາມແຜນພັດທະນາແບບຍືນຍົງ. ສະຫາຍ ເຫຼັກໄຫຼ...

ຮຽນວາງຢາພິດໂດຍຖາມ ChatGPT ສາວອາເມລິກາໃຊ້ເວລາສຶກສາກວ່າ 3 ເດືອນ ເພື່ອວາງຢາຜົວ ສຸດທ້າຍຖືກເຈົ້າໜ້າທີ່ກັກໂຕ

ມີລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາທີ່ລັດໂຄໂລໄລນາ, ສະຫະລັດອາເມລິກາ ເຈົ້າໜ້າທີ່ໄດ້ເຂົ້າກັກໂຕຍິງ ອາຍຸ 43 ປີ ໃນຂໍ້ຫາພະຍາຍາມຈົບຊີວິດຜົວຂອງຕົນເອງ ໂດຍການໃຊ້ສານປົນເປື້ອນໃນອາຫານ ແລະ ເຄື່ອງດື່ມ. ຈາກການສືບສວນຂອງເຈົ້າໜ້າທີ່ໄດ້ຮູ້ວ່າ ໃນລະຫວ່າງ...