ຊາຍຊາວອິນເດຍປະສົບອຸບັດຕິເຫດທາງລົດໃຫຍ່ຈົນຕ້ອງເຮັດໃຫ້ເປັນອຳມະພຶກ ແລະ ບໍ່ສາມາດເວົ້າໄດ້ມາດົນກວ່າ 5 ປີ ແຕ່ວ່າຢູ່ດີໆ ຮ່າງກາຍຂອງເຂົາກໍດີຂຶ້ນຫຼັງໄດ້ສັກວັກຊີນກັນໂຄວິດ-19
ທ້າວ ມັນດາ ອາຍຸ 55 ປີ ຈາກລັດຈາຮາດ ໄດ້ບອກວ່າ ການຮັບສັກວັກຊີນເປັນສິ່ງທີ່ປະເສີດທີ່ສຸດໃນຊີວິດທີ່ເຄີຍເກີດຂຶ້ນກັບໂຕເຂົາເອງເລີຍກໍວ່າໄດ້ ມັນດາປະສົບອຸບັດຕິເຫດລົດໃຫຍ່ເມື່ອ 5 ປີ ທີ່ແລ້ວ ເຮັດໃຫ້ຮ່າງກາຍເປັນອຳມະພຶດ ສ່ວນຂາໃຊ້ງານບໍ່ໄດ້ ແລະ ສູນເສຍຄວາມສາມາດທາງການເວົ້າອີກດ້ວຍ.
ແຕ່ຫຼັງຈາກທີ່ເຂົາໄດ້ເດີນທາງໄປສັກວັກຊີນກັນໂຄວິດ-19 ໃນວັນທີ 4 ເດືອນມັງກອນ ທີ່ຜ່ານມາ ຂາຂອງມັນດາກໍເລີ່ມກັບມາຮູ້ສຶກ ແລະ ເໜັງຕີງໄດ້ອີກຄັ້ງ ຈົນຕອນນີ້ເຂົາສາມາດລຸກອອກຈາກຕຽງ ແລະ ເວົ້າໄດ້ເປັນປົກກະຕິແລ້ວ. ເຊິ່ງວັກຊີນທີ່ເຂົາສັກເປັນຊະນິດແອສຕຣາເຊເນກາ ທີ່ຜະລິດໃນປະເທດອິນເດຍ ເຊິ່ງໄດ້ຮັບການຮັບຮອງຈາກອົງການອະນາໄມໂລກເມື່ອເດືອນ ກຸມພາ ປີທີ່ແລ້ວເປັນ 1 ໃນ 2 ວັກຊີນຮ່ວມກັບ ໂຄວາຊິນ (Covaxin) ວັກຊີນເຊື້ອຕາຍສັນຊາດອິນເດຍທີ່ຖືກໃຊ້ກັບປະຊາກອນອິນເດຍຫຼາຍທີ່ສຸດ.
ຢ່າງໃດກໍຕາມ ທາງແພດຜູ້ຊຽວຊານກໍຍັງບໍ່ສາມາດລະບຸສາເຫດໄດ້ ດັງນັ້ນຈຶ່ງໄດ້ມີການລວບລວມທີມແພດເພື່ອວິເຄາະປະວັດທາງການແພດຂອງ ນັນດາ ແລະ ສືບຫາຄວາມຈິງວ່າມັນເກີດຫຍັງຂຶ້ນ.
ຂໍ້ມູນຈາກ: odditycentral.com