ສະພາບການການຕິດເຊື້ອພະຍາດໂຄວິດ19 ຢູ່ປະເທດເຮົາໃນປະຈຸບັນເຫັນວ່າມີການຕົວເລກການຕີດເຊື້ອໃນ ຊຸມຊົນເພີ້ມຂຶ້ນຫຼາຍຢ່າງຕໍ່ເນື່ອງ, ໃນມື້ວານ ວັນທີ 31 ທັນວາ 2021, ທົ່ວປະເທດ ໄດ້ເກັບຕົວຢ່າງມາກວດຊອກຫາເຊື້ອໂຄວິດ-19 ທັງຫມົດ 4,172 ຕົວຢ່າງ ໃນຂອບເຂດທົ່ວປະເທດ ແລະ ພົບເຊື້ອ ທັງຫມົດ 1,023 ຄົນ (ຕິດເຊື້ອພາຍໃນ ມີ 1,023 ຄົນ ແລະ ຕິດເຊື້ອນໍາເຂົ້າ 00 ຄົນ) ເຮັດໃຫ້ຕົວເລກຜູ້ຕິດເຊື້ອ ພະຍາດໂຄວິດ 19 ສະສົມໃນ ສປປ ລາວ ຮອດປະຈຸບັນ ແມ່ນ 112,083 ຄົນ, ເສຍຊີວິດສະສົມ 374 ຄົນ (ໃນນີ້ເສຍຊີວິດ ໃຫມ່ 02 ຄົນ), ປິ່ນປົວຫາຍດີ ແລະ ກັບບ້ານໃນມື້ວານ ມີ 394 ຄົນ, ກໍາລັງປິ່ນປົວ 9,109 ຄົນ (ກວມເອົາ 8.1 % ແລະ ທີ່ຜູ້ປິ່ນປົວຫາຍດີແລ້ວ ແມ່ນມີເຖິງ 91.5 % ຂອງຈໍານວນຜູ້ຕິດເຊື້ອສະສົມທັງຫມົດ.)
ຂໍ້ມູນໂດຍຫຍໍ້ກ່ຽວກັບ ການຕິດເຊື້ອພາຍໃນໃຫມ່ ທັງຫມົດ 1,023 ຄົນ ຈາກ 16 ແຂວງ ແລະ ນະຄອນຫຼວງ ວຽງຈັນ ເຊິ່ງຈະລຽງລໍາດັບແຕ່ແຂວງຫຼາຍຫາຫນ້ອຍມີລາຍລະອຽດ ດັ່ງນີ້:
- ນະຄອນຫຼວງ 374 ຄົນ
- ຫຼວງພະບາງ ມີ 44 ຄົນ
- ຫຼວງນໍ້າທາ ມີ 54 ຄົນ
- ບໍ່ແກ້ວ ມີ 45 ຄົນ
- ອຸດົມໄຊ ມີ 160 ຄົນ
- ແຂວງວຽງຈັນ ມີ 35 ຄົນ
- ສະຫວັນນະເຂດ ມີ 9 ຄົນ
- ຈໍາປາສັກ ມີ 13 ຄົນ
- ຄໍາມ່ວນ ມີ 12 ຄົນ
- ຊຽງຂວາງ ມີ 26 ຄົນ
- ໄຊຍະບູລີ ມີ 103 ຄົນ
- ໄຊສົມບຸນ ມີ 21 ຄົນ
- ເຊກອງ ມີ 48 ຄົນ
- ບໍລິຄໍາໄຊ ມີ 39 ຄົນ
- ສາລະວັນ ມີ 16 ຄົນ
- ຫົວພັນ ມີ 18 ຄົນ
- ອັດຕະປື ມີ 6 ຄົນ,
ສ່ວນການຕິດເຊື້ອນໍາເຂົ້າ ຂອງຜູ້ທີ່ເດີນທາງເຂົ້າປະເທດແມ່ນບໍ່ມີ.
ຂໍ້ມູນເບື້ອງຕົ້ນ ສໍາລັບຄົນທີ່ເສຍຊີວິດໃຫມ່ 02 ຄົນ ດັ່ງນີ້:
ກໍລະນີທີ 1: ເພດຊາຍ ອາຍຸ 53 ປີ,ບ້ານ ປາກງາວ, ເມືອງ ຫ້ວຍຊາຍ, ແຂວງ ບໍ່ແກ້ວ
- ພະຍາດປະຈໍາຕົວ : ໄຂ່ຫຼັງຊຸດໂຊມ
- ບໍ່ໄດ້ສັກຢາກັນພະຍາດໂຄວິດ-19
ກໍລະນີທີ 2: ເພດຊາຍ ອາຍຸ 60 ປີ, ບ້ານ ມອມ, ເມືອງ ຕົ້ນເຜິ້ງ, ແຂວງ ບໍ່ແກ້ວ
- ພະຍາດປະຈໍາຕົວ: ເບົາຫວານ ແລະ ຄວາມດັນເລືອດສູງ
- ສັກຢາກັນພະຍາດໂຄວິດ-19 ຄົບ