ຈາກການລາຍງານຂອງ ສຳນັກຂ່າວຕ່າງປະເທດ ລາຍງານກ່ຽວກັບງານວິໄຈຂອງນັກວິທະຍາສາດໃນອາຟຣິກາໃຕ້ໄດ້ພົບວ່າການຕິດເຊື້ອສາຍພັນໂອໄມຄຣອນ (Omicron) ຊ່ວຍເສີມພູມຄຸ້ມກັນໃຫ້ຂ້າເຊື້ອ (neutralizing inmunity ) ຕໍ່ກັບສາຍພັນເດລຕາ.
ງານວິໄຈໄດ້ເຜີຍແຜ່ໃນເວັບໄຊ້ MedRxiv ແຕ່ຍັງບໍ່ໄດ້ຮັບການພິຈາລະນາຈາກຜູ້ຊ່ຽວຊານ (peer-reviewed) ຈາກການວິໄຈພົບວ່າ ຜູ້ທີ່ຕິດເຊື້ອສາຍພັນໂອໄມຄຣອນ ໂດຍສະເພາະຜູ້ທີ່ໄດ້ຮັບວັກຊີນແລ້ວ ມີພູມຄຸ້ມກັນທີ່ສາມາດຂ້າເຊື້ອໃນສາຍພັນເດລຕາເພີ່ມຂື້ນ.
ນອກຈາກຈະພົບວ່າພູມຄຸ້ມກັນທີ່ສາມາດຂ້າເຊື້ອຕໍໍ່ສາຍພັນໂອໄມຄຣອນເພີ່ມຂື້ນ 14 ເທົ່າຫຼັງເຂົ້າຮ່ວມການທົດລອງ 14 ມື້ແລ້ວຍັງພົບວ່າພູມຄຸ້ມກັນດັ່ງກ່າວມີປະສິດທິພາບຕໍ່ສາຍພັນເດລຕາເພີ່ມຂື້ນ 4.4 ເທົ່າ ສ່ວນການເພີ່ມຂຶ້ນຂອງພູມຄຸ້ມກັນຕໍ່ສາຍພັນເດລຕາໃນຜູ້ທີ່ຕິດເຊື້ອສາຍພັນໂອໄມຄຣອນອາດຫຼຸດໂອກາດທີ່ຜູ້ຄົນຈຳນວນນັ້ນຈະຕິດເຊື້ອສາຍພັນເດລຕາຊ້ຳອີກຄັ້ງໜຶ່ງ
ທັງນີ້ ການວິໄຈຂອງອາຟຣິກາໃຕ້ກ່ອນໜ້ານີ້ ພົບວ່າ ຜູ້ທີ່ຕິດເຊື້ອໂອໄມຄຣອນມີຄວາມສ່ຽງໃນການເຂົ້າຮັກສາໃນໂຮງໝໍ ຫຼື ອາການຮຸນແຮງນ້ອຍກວ່າເມື່ອທຽບໃສ່ສາຍພັນເດລຕາ ແຕ່ນັກວິໄຈບອກວ່າສ່ວນໜຶ່ງແມ່ນເປັນຍ້ອນປະຊາກອນສ່ວນໃຫຍ່ມີພູມຄຸ້ມກັນ