ເວັບໄຊ້ຂ່າວຕ່າງປະເທດ ໄດ້ລາຍງານວ່າ: ທາງພາກເໜືອຂອງປະເທດອິດສະລາແອນກໍາລັງພົບກັບບັນຫາການລະບາດຂອງພະຍາດໄຂ້ຫວັດສັດປີກ ເຊິ່ງຜົນເຮັດໃຫ້ນົກອົບພະຍົບໜີປະມານ 5,200 ໂຕ ແລະ ເຮັດໃຫ້ທາງການຂອງອິດສະລາແອນຕ້ອງໄດ້ຕັດສິນໃຈຂ້າໄກ່ທີ່ຢູ່ໃນຟາມໄປຫຼາຍກວ່າ 5 ແສນໂຕ ເພື່ອຄວບຄຸມການະບາດຄັ້ງໃຫຍ່ນີ້.

ທ່ານ ອູຣິ ນາເວ ນັກວິທະຍາສາດອາວຸໂສ ຈາກສໍານັກງານອຸທິຍານ ແລະ ທໍາມະຊາດອິດສະລະແອນໄດ້ບອກວ່າ ການລະບາດຍັງບໍ່ສາມາດຄວບຄຸມໄດ້ ມີນົກຈໍານວນຫຼາຍທີ່ບິນມາຕາຍໃນແມ່ນໍ້າ ເຊິ່ງເຮັດໃຫ້ເກີດມີຄວາມຫຍຸ້ງຍາກໃນການເກັບຊາກນົກທີ່ຕາຍ, ສ່ວນລັດຖະມົນຕີກະຊວງຄຸ້ມຄອງສິ່ງແວດລ້ອມໄດ້ລະບຸວ່າ ວິກິດການໃນຄັ້ງນີ້ສ້າງຄວາມເສຍຫາຍຕໍ່ກັບສັດປ່າຫຼາຍທີ່ສຸດໃນປະຫວັດສາດຂອງປະເທດ ແລະ ຂອບເຂດຄວາມເສຍຫາຍແມ່ນຍັງບໍ່ທັນມີການລະບຸຢ່າງຊັດເຈນ.

ທັງນີ້, ໃນແຕ່ລະປີຈະມີນົກອົບພະຍົບບິນຜ່ານປະເທດອິດສະລາແອນປະມານ 500,000 ໂຕ ເພື່ອເດີນທາງໄປປະເທດອາຟຣິກາ ແລະ ກໍຍັງມີນົກຈໍານວນໜຶ່ງທີ່ຍັງອາໄສຢູ່ຕໍ່ໄປ. ເຖິງຢ່າງໃດກໍຕາມ, ທາງດ້ານສໍານັກງານນາຍົກລັດຖະມົນມີເປີດເຜີຍກັບເຈົ້າໜ້າທີ່ກະຊວງກະສິກໍາ, ສິ່ງແວດລ້ອມ ແລະ ສາທາລະນະສຸກ ໄດ້ມີການຕິດຕາມສະຖານະການເປັນຢ່າງດີ ໂດຍທີ່ຍັງບໍ່ທັນມີຂໍ້ມູນວ່າມະນຸດມີການຕິດເຊື້ອນີ້ຫຼືບໍ່.