Homeຂ່າວພາຍ​ໃນລັດຖະບານຣັດເຊຍທຸ້ມງົບ 12 ລ້ານໂດລາປັບປຸງໂຮງໝໍມິດຕະພາບໃນ ນວ ໃຫ້ທັນສະໄໝ

ລັດຖະບານຣັດເຊຍທຸ້ມງົບ 12 ລ້ານໂດລາປັບປຸງໂຮງໝໍມິດຕະພາບໃນ ນວ ໃຫ້ທັນສະໄໝ

Published on

ລັດຖະບານ​ສະຫະພັນຣັດ​ເຊຍ​ຈະ​ໃຊ້​ງົບປະມານ 12 ລ້ານ​ໂດ​ລາ​ສະຫະລັດ ເຂົ້າໃນການປັບປຸງໂຮງໝໍມິດຕະພາບ, ນະຄອນຫຼວງວຽງຈັນ ໃຫ້ທັນສະໄໝ ໂດຍປະຕິບັດ​ພາລະກິດປົດປ່ອຍ​ປະ​ເທດ​ລາວອອກຈາກ​ໝວດ “ປະ​ເທດ​ດ້ອຍ​ພັດທະນາ​ໃນ​ໂລກ”​ ໃນ​ປີ 2026, ພ້ອມ​ທັງ​ບັນລຸ​ເປົ້າ​ໝາຍ​ການ​ພັດທະນາ​ແບບ​ຍືນ​ຍົງ.

ວັນທີ 19 ທັນວາ 2021, ລັດຖະບານຂອງສະຫະພັນຣັດເຊຍ ໄດ້ອະນຸມັດການສຶກສາຄວາມເປັນໄປໄດ້ສໍາລັບການປັບປຸງທີ່ທັນສະໄໝຂອງໂຮງໝໍມິດຕະພາບຢ່າງຮອບດ້ານ, ກະກຽມໂດຍຫ້ອງການປະຈຳປະເທດສໍາລັບການບໍລິການໂຄງການຂອງອົງການສະຫະປະຊາຊາດ (UNOPS) ເຊິ່ງລັດຖະບານ​ສະຫະພັນຣັດ​ເຊຍ​ຈະ​ໃຊ້​ງົບປະມານ​ປະມານ 12 ລ້ານ​ໂດ​ລາ​ສະຫະລັດ, ຈະ​ປັບປຸງ​ລະບົບ​ສາທາລະນະສຸກຂອງ ສປປ ລາວ ຕື່ມ​ອີກ, ​ເສີມ​ຂະຫຍາຍ​ຄວາມ​ສາມາດ​ຕ້ານ​ການ​ຕິດ​ເຊື້ອ​ພະຍາດ​ ໂຄ​ໂຣນາ ​ສາຍ​ພັນ​ໃໝ່, ​ແລະ ປະຕິບັດ​ພາລະກິດປົດປ່ອຍ​ປະ​ເທດ​ລາວອອກຈາກ​ໝວດ “ປະ​ເທດ​ດ້ອຍ​ພັດທະນາ​ໃນ​ໂລກ”​ ໃນ​ປີ 2026, ພ້ອມ​ທັງ​ບັນລຸ​ເປົ້າ​ໝາຍ​ການ​ພັດທະນາ​ແບບ​ຍືນ​ຍົງ.

ໂຮງໝໍມິດຕະພາບ ຣັດເຊຍ-ລາວ ສ້າງຂຶ້ນໃນປີ 1990, ເພື່ອເປັນສ່ວນໜຶ່ງຂອງການຊ່ວຍເຫຼືອຂະໜາດໃຫຍ່ຮອບດ້ານ ເຂົ້າໃນການພັດທະນາເສດຖະກິດ-ສັງຄົມຂອງລາວ ເຊິ່ງໂຮງໝໍແຫ່ງນີ້ໄດ້ກາຍເປັນໜຶ່ງໃນບັນດາສັນຍາລັກຫຼັກ ຂອງສາຍພົວພັນມິດຕະພາບທີ່ເປັນມູນເຊື້ອລະຫວ່າງປະຊາຊົນຣັດເຊຍ ແລະ ລາວ, ສາຍພົວພັນມິດຕະພາບອັນໃກ້ຊິດ ແລະຄວາມໄວ້ເນື້ອເຊື່ອໃຈຂອງການພົວພັນຄູ່ຮ່ວມມືຍຸດທະສາດທີ່ນັບມື້ນັບພັດທະນາ.

ຂໍ້ມູນຈາກ: ສະຖານທູດຣັດເຊຍປະຈຳລາວ

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...