ເລື່ອງປາຕິຫານ ປານກັບນິຍາຍໃນຮູບເງົາ ເມື່ອຍິງຊາວນິວຊີແລນ ເຊິ່ງຕາບອດມາຕັ້ງແຕ່ນ້ອຍ ກັບມາເບິ່ງເຫັນ
ໄດ້ ຫລັງຫົວໂຂກໃສ່ໂຕະ.
ສຳນັກຂ່າວຕ່າງປະເທດ ລາຍງານໃນວັນທີ 1 ພະຈິກຜ່ານມານີ້ວ່າ ຍິງຊາວນິວຊີແລນ ເຊິ່ງຕາບອດມາຕັ້ງແຕ່ນ້ອຍ
ສາມາດກັບມາເບິ່ງເຫັນໄດ້ອີກເທື່ອໜຶ່ງ ຫລັງຈາກທີ່ຫົວຂອງນາງໄປໂຂກໃສ່ກັບໂຕະກາເຟ.
ນາງ ລີຊາ ຣີດ ອາຍຸ 38 ປີ ສູນເສຍການເບິ່ງເຫັນໄປຢ່າງສິ້ນເຊີງ ຕັ້ງແຕ່ອາຍຸໄດ້ 11 ປີ ຈາກພາວະເນື້ອງອກກົດທັບ
ເສັ້ນປະສາດຕາ ໂດຍຕະຫລອດເວລາຜ່ານມາ ນາງຕ້ອງໃຊ້ໝາເປັນຜູ້ນຳທາງ ແທນດວງຕາຂອງນາງ ຈົນເຖິງມື້
ໜຶ່ງກໍເກີດມີປາຕິຫານເກີດຂຶ້ນ ໃນລະຫວ່າງທີ່ ລິຊ່າ ກຳລັງກົ້ມລົງຈູບໝາຂອງນາງ ຫົວຂອງນາງກໍໄປໂຂກໃສ່ຫລ່ຽມ
ໂຕະກາເຟເຂົ້າເຕັມໆ ຈົນເຮັດໃຫ້ໄດ້ຮັບບາດເຈັບທີ່ຫົວ, ເມື່ອຕື່ນຂຶ້ນມາໃນຕອນເຊົ້າຂອງມື້ຕໍ່ມາ ນາງກໍໄດ້ພົບກັບ
ແສງສະຫວ່າງຂອງດວງຕາເວັນ ເຊິ່ງເຮັດໃຫ້ນາງສາມາດເບິ່ງເຫັນໄດ້ອີກເທື່ອໜຶ່ງຢ່າງໜ້າເຫລືອເຊື່ອ.
