ສຳນັກຂ່າວ ຣອຍເຕີ: ລັດຖະບານຄິວບາສາມາດຈັດຫາວັກຊີນໃຫ້ແກ່ພົນລະເມືອງຂອງຕົນ ໂດຍອາໄສວັກຊີນທີ່ຜະລິດຂຶ້ນມາເອງໃນຊ່ວງເວລາຫຼາຍສິບປີ ຂະນະທີ່ປັດຈຸບັນປະເທດດັ່ງກ່າວໄດ້ຮັບວັກຊີນເຂັມທຳອິດກວ່າ 90% ແລະ 83% ຂອງປະຊາກອນໄດ້ຮັບວັກຊີນຄົບຖ້ວນ ໂດຍຖືກຈັດເປັນອັນດັບສອງຂອງໂລກ ຮອງຈາກ ສະຫະລັດອາຣັບເອມີເຣດ.

ເຖິງແມ່ນປະຊາກອນຄິວບາຈະໄດ້ຮັບວັກຊີນທີ່ທາງການປູກຖ່າຍເອງ ແຕ່ອັດຕາການຕິດເຊື້ອ ແລະການເສຍຊີວິດຈາກພະຍາດໂຄວິດພາຍໃນປະເທດແມ່ນຫຼຸດລົງເຫຼືອໜ້ອຍກວ່າ 1% ໃນປັດຈຸບັນ ຂະນະທີ່ເດັກທີ່ມີອາຍຸລະຫວ່າງ 2 – 18 ປີເກືອບທຸກຄົນໃນຄິວປາຕ່າງກໍໄດ້ຮັບວັກຊີນທີ່ປູກເອງ

ທາງການຄິວບາກ່າວວ່າ: ວັກຊີນ Abdala, Soberana 02 ແລະ Soberana Plus ທີ່ຜະລິດຂຶ້ນເອງ ໂດຍໃຊ້ໂປຣຕີນເປັນຫຼັກ ສາມາດປ້ອງກັນການຕິດເຊື້ອໂຄວິດທີ່ສະແດງອາການໄດ້ສູງເຖິງ 90% ແຕ່ທາງການຄິວບາບໍ່ໄດ້ເຜີຍແຜ່ຜົນການທົດລອງທາງຄລີນິກຂະໜາດໃຫຍ່ ແລະບໍ່ໄດ້ສົ່ງເອະສານທີ່ທາງອົງການອະນາໄມໂລກກຳນົດເພື່ອຂໍອະນຸມັດວັກຊີນ.

ຢ່າງໃດກໍຕາມ, ປັດຈຸບັນ COVAX ກຳລັງຕິດຕາມຄວາມຄືບໜ້າຂອງຄິວບາ ເຊິ່ງເປັນໂຄງການລະດັບໂລກທີ່ອອກແບບມາເພື່ອຮັບຮອງການເຂົ້າເຖິງວັກຊີນປ້ອງກັນພະຍາດໂຄວິດ-19 ຢ່າງຍຸຕິທຳ.