ເວັບໄຊ້ຂ່າວຕ່າງປະເທດ ໄດ້ລາຍງານວ່າ: ລັດຖະມົນຕີກະຊວງສາທາລະນະສຸກຂອງປະເທດເຢຍລະມັນໄດ້ກ່າວວ່າ ປະເທດເຢຍລະມັນອາດບໍ່ມີວັກຊີນພຽງພໍທີ່ຈະສັກໃຫ້ປະຊາຊົນຕໍ່ໄປຈົນເຖິງຕົ້ນປີ 2022.

ການປະກາດຂອງກະຊວງສາທາລະນະສຸກໄດ້ມີຂຶ້ນເນື່ອງມາຈາກເຢຍລະມັນຕ້ອງຕໍ່ສູ້ກັບບັນຫາຕ່າງໆ ລວມທັງການແຜ່ລະບາດຂອງໂຄວິດ-19 ສາຍພັນໃໝ່ ໂອໄມຄຣອນ. ໃນອາທິດທີ່ຜ່ານມາປະເທດເຢຍລະມັນມີຈໍານວນຜູ້ເສຍຊີວິດຈາກໂຄວິດ-19 ເປັນຈໍານວນຫຼາຍ ແລະ ເຢຍລະມັນຍັງໄດ້ມີຄໍາສັ່ງຫ້າມສໍາລັບຄົນທີ່ບໍ່ສັກວັກຊີນແມ່ນບໍ່ສາມາດເຂົ້າຮ້ານຊຸບເປີມາເກັດ ແລະ ຮ້ານຂາຍຢາໄດ້  ເພື່ອຄວບຄຸມການແຜ່ລະບາດຂອງໂຄວິດ-19.

ສໍາລັບອັດຕາການສັກວັກຊີນຄົບໂດສແມ່ນຍັງຕໍ່າກວ່າ 70% ແລະ ມີການບັງຄັບໃຫ້ມີການສັກວັກຊີນໃນທົ່ວປະເທດໃຫ້ໄວທີ່ສຸດ ເຖິງແມ່ນວ່າຈະມີການຂາດແຄນວັກຊີນຢ່າງຕໍ່ເນື່ອງຈົນເຮັດໃຫ້ເກີດຄວາມລ່າຊ້າກໍຕາມ.