ສໍານັກຂ່າວຕ່າງປະເທດ ໄດ້ລາຍງານວ່າ: ກະຊວງສາທາລະນະສຸກຂອງປະເທດກໍາປູເຈຍໄດ້ອອກມາຖະແຫຼງຂ່າວຢືນຢັນວ່າພົບຜູ້ຕິດເຊື້ອໂຄວິດ-19 ສາຍພັນໂອໄມໂອໄມຄຣອນເປັນຄົນທໍາອິດຂອງປະເທດແລ້ວ ໂດຍເປັນແມ່ຍິງກໍາປູເຈຍ ອາຍຸ 23 ປີ ທີ່ເດີນທາງມາຈາກປະເທດ ການາ ໂດຍທີ່ເຄື່ອງບິນໄດ້ລົງຈອດຢູ່ທີ່ປະເທດ ອາຣັບ ແລະ ບາງກອກ ປະເທດໄທ ກ່ອນທີ່ຈະເດີນທາງເຂົ້າປະເທດກໍາປູເຈຍ ໂດຍແມ່ຍິງຄົນນີ້ຖືພາໄດ້ 15 ອາທິດ ແລະ ໄດ້ຖືກນໍາໂຕໄປປິ່ນປົວຕາມອາການຢູ່ທີ່ໂຮງໝໍແລ້ວ.
ເຊື້ອໂຄວິດ-19 ສາຍພັນໂອໄມຄຣອນ ຖືກຄົ້ນພົບໃນປະເທດ ອາຟຣິກາໃຕ້ ໃນເດືອນກ່ອນ ແລະ ໃນຕອນນີ້ມີການລາຍງານວ່າມີການລະບາດໄປແລ້ວ 70 ປະເທດໃນທົ່ວໂລກ ໂດຍອົງການອະນາໄມໂລກຄາດວ່າອາດຈະມີການລະບາດໄປແລ້ວເກືອບທົ່ວໂລກ ແຕ່ຍັງກວດບໍ່ພົບ ແລະ ຍັງມີອາການທີ່ບໍ່ຮຸນແຮງ.
ທັງນີ້, ປະເທດກໍາປູເຈຍເອງກໍໄດ້ມີການເປີດຕ້ອນຮັບນັກທ່ອງທ່ຽວຕ່າງຊາດໄດ້ພຽງບໍ່ດົນ ຫຼັງຈາກທີ່ສາມາດສັກວັກຊີນໃຫ້ກັບປະຊາຊົນໄດ້ເຖິງ 88% ຂອງປະຊາກອນຢູ່ໃນປະເທດ.