ໃນວັນທີ 13 ທັນວາ 2021, ສຳນັກຂ່າວຣອຍເຕີລາຍງານ ໂດຍອ້າງອີງໜັງສືພິມທຽນຈີນເດລີ ຂອງທາງການຈີນວ່າ: ທາງໜ່ວຍງານສາທາລະນະສຸກຂອງນະຄອນທຽນຈິນຂອງຈີນ ໄດ້ກວດພົບຜູ້ຕິດເຊື້ອໂຄວິດສາຍພັນໂອໄມຄຣອນລາຍທຳອິດຂອງປະເທດ ທີ່ນະຄອນທຽນຈີນ ເຊິ່ງເປັນ້ມືອງທ່າຂະໜາດໃຫຍ່ທີ່ຕັ້ງຢູ່ທາງພາກເໜືອຂອງປະເທດຈີນ.
ຜູ້ຕິດເຊື້ອລາຍດັ່ງກ່າວ ເດີນທາງກັບຈາກຕ່າງປະເທດ ໃນວັນທີ 9 ທັນວາ ຜ່ານມາ ຂະນະທີ່ປັດຈຸບັນກຳລັງເຂົ້າຮັບປິ່ນປົວຢູ່ໂຮງໝໍ ແລະຢູ່ພາຍໃຕ້ການດູແລຂອງທ່ານໝໍ.
ນອກຈາກນີ້ຍັງມີລາຍງານພົບຜູ້ຕິດເຊື້ອໂຄວິດໂອໄມຄຣອນລາຍທຳອິດໃນສອງປະເທດ ໄດ້ແກ່ ຮັງກາຣີ ແລະ ປາກິສຖານ.
ຂໍ້ມູນຈາກ: ປະຊາຊາດທຸລະກິດ